દક્ષિણ આફ્રિકાના ક્રિકેટર કેશવ મહારાજે અયોધ્યાના રામ મંદિરમાં કર્યા દર્શન

• કેશવ મહારાજે અયોધ્યાના રામ મંદિરમાં કરી પૂજા
  
• દર્શન બાદ ફોટો કર્યો સોશિયલ મીડિયામાં વાયરલ
• કેશવ મહારાજે અગાઉ પણ ઘણા મંદિરોમાં શીશ ઝુકાવ્યું છે

કેશવ મહારાજનો એક ફોટો સોશિયલ મીડિયા પર ઝડપથી વાયરલ થઈ રહ્યો છે. દક્ષિણ આફ્રિકાના ક્રિકેટર કેશવ મહારાજ અયોધ્યામાં રામ મંદિર પહોંચ્યા. જ્યાં દક્ષિણ આફ્રિકાના ક્રિકેટરે ભગવાન રામના આશીર્વાદ લીધા હતા.આ પહેલા પણ કેશવ મહારાજે ભારતના ઘણા મંદિરોમાં દર્શન કર્યા છે. હવે આ ક્રિકેટરે અયોધ્યા સ્થિત રામ મંદિરમાં પૂજા કરી હતી.આ સિવાય સોશિયલ મીડિયા યુઝર્સ સતત કોમેન્ટ કરીને પોતાનો પ્રતિભાવ આપી રહ્યા છે.

ટેસ્ટ મેચના ખેલાડી

જો કેશવ મહારાજની કારકિર્દી પર નજર કરીએ તો 50 ટેસ્ટ મેચો સિવાય આ ખેલાડીએ 44 ODI અને 27 T20 મેચમાં દક્ષિણ આફ્રિકાની ટીમનું પ્રતિનિધિત્વ કર્યું છે. ટેસ્ટ મેચોમાં કેશવ મહારાજે 31.99ની એવરેજ અને 3.17ની ઈકોનોમી સાથે 158 વિપક્ષી બેટસમેનોને પોતાનો શિકાર બનાવ્યા છે. આ ફોર્મેટમાં કેશવ મહારાજની શ્રેષ્ઠ બોલિંગ ફિગર 129 રનમાં 9 વિકેટ છે. આ સિવાય તેણે 9 વખત ટેસ્ટ મેચમાં 5 વિકેટ લેવાની સિદ્ધિ મેળવી છે. જ્યારે તેણે 1 ટેસ્ટમાં 10 વિકેટ ઝડપી છે.

શ્રેષ્ઠ બોલર છે કેશવ મહારાજ

કેશવ મહારાજે 44 ODI મેચોમાં 30.65ની એવરેજ અને 4.56ની ઈકોનોમી સાથે 55 બેટસમેનોને આઉટ કર્યા છે. આ ફોર્મેટમાં કેશવ મહારાજની શ્રેષ્ઠ બોલિંગ ફિગર 33 રનમાં 4 વિકેટ છે. આ સિવાય દક્ષિણ આફ્રિકા માટે 27 T20 મેચોમાં કેશવ મહારાજે 27.96ની એવરેજ અને 7.39ની ઈકોનોમી સાથે 24 વિકેટ ઝડપી છે. આ ફોર્મેટમાં કેશવ મહારાજની શ્રેષ્ઠ બોલિંગ ફિગર 21 રનમાં 2 વિકેટ છે. ઉપરાંત, આ ખેલાડી જરૂર પડ્યે બેટિંગમાં યોગદાન આપવા સક્ષમ છે. જો કે અત્યાર સુધી કેશવ મહારાજને IPLમાં રમવાની તક મળી નથી. પરંતુ વિશ્વભરની ઘણી લીગમાં રમે છે.