- T20 વર્લ્ડકપ 2024 2 જૂનથી શરૂ થશે
- હવે શ્રીલંકા ક્રિકેટ બોર્ડે ટીમની જાહેરાત કરી
- શ્રીલંકાએ વાનિંદુ હસરંગાને કેપ્ટન બનાવ્યો
T20 વર્લ્ડકપ 2024 2 જૂનથી શરૂ થશે. મોટાભાગના ક્રિકેટ બોર્ડે ટૂર્નામેન્ટ માટે તેમની ટીમ જાહેર કરી દીધી છે. હવે શ્રીલંકા ક્રિકેટ બોર્ડે પણ વર્લ્ડકપ માટે પોતાની 15 સભ્યોની ટીમની જાહેરાત કરી છે. વાનિંદુ હસરંગાને ટીમની કમાન સોંપવામાં આવી છે. તેમજ ચારિથ અસલંકાને વાઇસ કેપ્ટનની જવાબદારી સોંપવામાં આવી છે. શ્રીલંકાની ટીમ 14 મે 2024ના રોજ વર્લ્ડકપ માટે અમેરિકા જશે.
T20 વર્લ્ડકપ 2024 માટે શ્રીલંકાની ટીમ
વાનિન્દુ હસરાંગા (કેપ્ટન), ચરિથ અસલંકા (વાઈસ-કેપ્ટન), કુસલ મેન્ડિસ, પથુમ નિસાન્કા, કામિન્દુ મેન્ડિસ, સાદિરા સમરવિક્રમા, એન્જેલો મેથ્યુસ, દાસુન શનાકા, મથિશા પથિરાના, ધનંજય ડી સિલ્વા, મહેશ તિક્ષણા, દુનિથ વેલ્લાગે, દુષ્માનથા ચમીરા, નુવાન તુષારા, દિલશાન મદુશંકા.
રિઝર્વ ખેલાડીઓ- અસિથા ફર્નાન્ડો, વિજયકાંત વ્યાસકાંત, ભાનુકા રાજપક્ષે, ઝેનિથ લિયાનાગે.
શ્રીલંકાની ટીમ ગ્રુપ ડીમાં સામેલ છે
T20 વર્લ્ડકપ 2024માં 20 ટીમો ખિતાબ માટે સ્પર્ધા કરશે. તમામ ટીમોને દરેક 5 ના 4 જૂથોમાં વહેંચવામાં આવી છે. શ્રીલંકા ક્રિકેટ ટીમ ગ્રુપ ડીનો ભાગ છે. તેમના સિવાય દક્ષિણ આફ્રિકા, બાંગ્લાદેશ, નેધરલેન્ડ અને નેપાળની ક્રિકેટ ટીમો પણ આ ગ્રુપમાં સામેલ છે. શ્રીલંકાની ટીમ 3 જૂનથી ટૂર્નામેન્ટમાં પોતાના અભિયાનની શરૂઆત કરશે. આ દિવસે લંકાની ટીમ દક્ષિણ આફ્રિકા સામે ટકરાશે. આ મેચ ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં રમાશે.
શ્રીલંકાની ટીમની મેચ
- 3 જૂન, સોમવાર- શ્રીલંકા vs દક્ષિણ આફ્રિકા
- 8 જૂન, શનિવાર- શ્રીલંકા vs બાંગ્લાદેશ
- 12 જૂન, બુધવાર- શ્રીલંકા vs નેપાળ
- 17 જૂન, સોમવાર- શ્રીલંકા vs નેધરલેન્ડ
