Team Indiaમાં ના મળી જગ્યા, સ્ટાર ખેલાડીએ ઇંગ્લેન્ડમાં મચાવ્યો કહેર

ભારતીય ક્રિકેટ ટીમનો અનુભવી સ્પિન બોલર યુઝવેન્દ્ર ચહલ 19 સપ્ટેમ્બરથી શરૂ થનારી ટેસ્ટ ક્રિકેટ સિરીઝ માટે ન તો ભારતીય ટીમમાં સ્થાન મેળવી શક્યો છે અને ન તો તેને BCCIની પ્રતિષ્ઠિત દુલીપ ટ્રોફીમાં કોઈ ટીમનો ભાગ બનાવવામાં આવ્યો છે. આવી સ્થિતિમાં આ દિગ્ગજ ભારતીય બોલર ઈંગ્લેન્ડ તરફ વળ્યો અને ત્યાં તેણે શાનદાર પ્રદર્શન કર્યું.

આ લીગમાં રમી રહ્યો છે મેચ

ટીમ ઈન્ડિયામાં જગ્યા બનાવવામાં નિષ્ફળ ગયેલો અનુભવી સ્પિન બોલર યુઝવેન્દ્ર ચહલ કાઉન્ટી ક્રિકેટ રમી રહ્યો છે. કાઉન્ટી ચેમ્પિયનશિપની ડિવિઝન ટુ મેચમાં નોર્થમ્પટનશાયર તરફથી રમતી વખતે તેણે શાનદાર પ્રદર્શન કર્યું હતું. યુઝવેન્દ્ર ચહલ ટી20 વર્લ્ડ કપ 2024માં ભારતીય ટીમનો ભાગ હતો.

ચટકાવી 5 વિકેટ

યુઝવેન્દ્ર ચહલે ડર્બીશાયર સામે સારી બોલિંગ કરી અને 45 રન આપીને 5 વિકેટ લીધી. આ 5 વિકેટ સાથે ચહલે ફર્સ્ટ ક્લાસ ક્રિકેટમાં પોતાની 100 વિકેટ પણ પૂરી કરી લીધી છે. ચહલે પોતાની કારકિર્દીમાં ત્રીજી વખત ફર્સ્ટ ક્લાસ ક્રિકેટમાં 5 વિકેટ લેવાની સિદ્ધિ હાંસલ કરી છે. ચહલે તેની બોલિંગ દરમિયાન અનુભવી ખેલાડીઓ વેઈન મેડસન, એન્યુરિન ડોનાલ્ડ, જેક ચેપલ, એલેક્સ થોમસન અને જેક મોર્લીની વિકેટ લીધી હતી.

સોશિયલ મીડિયા પર છવાઇ આ વિકેટ

ડર્બીશાયર સામેની મેચમાં બોલિંગ કરતી વખતે યુઝવેન્દ્ર ચહલે જે રીતે વેઈન મેડસેનને ક્લીન બોલ્ડ કર્યો તે અદ્ભુત હતું. બોલ પિચ પર અથડાયા પછી, તે વળ્યો અને સીધો સ્ટમ્પ પર અથડાયો અને બેટ્સમેન બોલને સંપૂર્ણપણે ડોજ કરી ગયો. આ વિકેટનો વીડિયો સોશિયલ મીડિયા પર વાયરલ થઈ રહ્યો છે.