હું બચી ગયો..! યુવરાજના 6 સિક્સર પર સ્ટુઅર્ટ બ્રોડે પહેલીવાર તોડ્યું મૌન

યુવરાજ સિંહે 19 સપ્ટેમ્બર 2007ના દિવસે સ્ટુઅર્ટ બ્રોડના 6 બોલમાં 6 સિક્સર ફટકારી હતી. T20 વર્લ્ડકપ 2007માં બનેલી એ ઐતિહાસિક ઘટનાને હવે 17 વર્ષ વીતી ગયા છે. બ્રોડની ગણતરી આજે એવા દિગ્ગજ ક્રિકેટરોમાં થાય છે, જેમણે આંતરરાષ્ટ્રીય ક્રિકેટમાં 800 થી વધુ વિકેટ લીધી છે. હાલમાં જ તેણે યુવરાજ સિંહની તે ઐતિહાસિક ઈનિંગ ફરી જોઈ, જેના પર તેની ચોંકાવનારી પ્રતિક્રિયા સામે આવી છે.

યુવરાજ સિંહે સ્ટુઅર્ટ બ્રોડને માર્યા હતા 6 સિક્સર

ભારત vs ઈંગ્લેન્ડ મેચમાં એન્ડ્રુ ફ્લિન્ટોફ સાથે થયેલી દલીલને કારણે યુવરાજ ગુસ્સે થઈ ગયો હતો. આ ગુસ્સાએ તેને ઉત્સાહથી ભરી દીધો હતો, જેના પરિણામો સ્ટુઅર્ટ બ્રોડને ભોગવવા પડ્યા હતા. તે મેચમાં ભારતે પ્રથમ બેટિંગ કરીને 218 રન બનાવ્યા હતા. ટીમ ઈન્ડિયાની ઈનિંગની 19મી ઓવરમાં બ્રોડ બોલિંગ કરવા આવ્યો હતો. યુવરાજ સિંહે પોતાના તમામ બોલ પર 6 સિક્સર ફટકારીને ઈતિહાસ રચ્યો હતો. આ સાથે તેણે માત્ર 12 બોલમાં પોતાની ફિફ્ટી પૂરી કરી હતી.

સ્ટુઅર્ટ બ્રોડે પહેલીવાર આપી પ્રતિક્રિયા

તે સમયને યાદ કરતાં સ્ટુઅર્ટ બ્રોડે મજાકમાં કહ્યું, "મેં તે મેચ ફરી ક્યારેય જોઈ નથી. મારે કબૂલ કરવું પડશે કે હું નસીબદાર હતો કે મારા એક બોલને નો-બોલ જાહેર કરવામાં આવ્યો ન હતો. હું કદાચ 7 સિક્સર ફટકારી શક્યો હોત." નો-બોલનો ઉલ્લેખ કરીને, સ્ટુઅર્ટ બ્રોડે તે યાદગાર ઓવરના ચોથા બોલ વિશે જણાવ્યું. તેનો તે બોલ ઓફ સ્ટમ્પની બહાર હતો અને તેની ઊંચાઈ યુવરાજની કમરથી ઉપર હતી. તેમ છતાં, યુવરાજે બોલને બાઉન્ડ્રી પાર કરીને પોઈન્ટ તરફ લીધો હતો.

બુમરાહે અપાવી યાદ

તમને જણાવી દઈએ કે વર્ષ 2022માં જસપ્રીત બુમરાહે સ્ટુઅર્ટ બ્રોડને યુવરાજ સિંહની 6 સિક્સરની પણ યાદ અપાવી હતી. વાસ્તવમાં એજબેસ્ટનમાં 2022માં ભારત અને ઈંગ્લેન્ડની મેચ રમાઈ રહી હતી. જસપ્રીત બુમરાહ બેટિંગ કરી રહ્યો હતો, જેણે આક્રમક બેટિંગ કરતા ઓવરમાં 35 રન ફટકાર્યા હતા.