- ICC એ T20 વર્લ્ડકપ 2024 માટે નવી T20 રેન્કિંગ જાહેર કરી
- સૂર્યકુમાર યાદવની જગ્યાએ ટ્રેવિસ હેડ નંબર 1 બેટ્સમેન બન્યો
- ટ્રેવિસ હેડ અગાઉ ટોપ 10માં પણ નહોતો
ICC એ T20 વર્લ્ડકપ 2024 માટે નવી T20 રેન્કિંગ જાહેર કરી છે. આ વખતે નવી રેન્કિંગમાં ભારે ઉથલપાથલ જોવા મળી છે. સૂર્યકુમાર યાદવની જગ્યાએ ટ્રેવિસ હેડ નંબર 1 બેટ્સમેન બન્યો છે. ઈંગ્લેન્ડના ફિલ સોલ્ટ, પાકિસ્તાનના બાબર આઝમ અને મોહમ્મદ રિઝવાનને પણ ઓસ્ટ્રેલિયાના સ્ટાર બેટ્સમેન ટ્રેવિસ હેડે ભારત સામેની મેચમાં શાનદાર અડધી સદી ફટકારી હતી. તેની આ ઇનિંગથી તેને રેન્કિંગમાં ફાયદો થયો છે. તે અગાઉ ટોપ 10માં પણ નહોતો.
બીજા સ્થાને પહોંચ્યો સૂર્યકુમાર યાદવ
ICC દ્વારા જાહેર કરવામાં આવેલી નવી રેન્કિંગમાં સૂર્યકુમાર યાદવે એક સ્થાન ગુમાવ્યું છે. તે હવે બીજા સ્થાને પહોંચી ગયો છે. જ્યારે ઓસ્ટ્રેલિયાનો વિસ્ફોટક બેટ્સમેન ટ્રેવિસ હેડ 4 સ્થાનની છલાંગ લગાવીને પ્રથમ સ્થાને પહોંચી ગયો છે. થોડા સમય પહેલા સુધી ટ્રેવિસ હેડ ટોપ 10માં પણ નહોતો. બીજા સ્થાને રહેલા સૂર્યાનું હાલમાં 842 રેટિંગ છે અને તેની અને હેડ વચ્ચે માત્ર બે રેટિંગ પોઈન્ટનો તફાવત છે. આવી સ્થિતિમાં જો તે ઇંગ્લેન્ડ સામે મોટી ઇનિંગ રમે છે તો તે નંબર બની શકે છે.
સોલ્ટ, આઝમ અને રિઝવાનને નુકસાન
સૂર્યકુમાર યાદવ સિવાય અન્ય ઘણા બેટ્સમેન છે જેમને રેન્કિંગમાં નુકસાન થયું છે. ઈંગ્લેન્ડના ઓપનર ફિલ સોલ્ટને પણ એક સ્થાનનું નુકસાન થયું છે. જ્યારે બાબર આઝમ ચોથા સ્થાને પહોંચી ગયો છે. જ્યારે રિઝવાન પણ પાંચમા સ્થાને પહોંચી ગયો છે.
