ICCએ હાલમાં જ T20 રેન્કિંગ જાહેર કર્યું છે. ટીમ ઈન્ડિયાના ઓલરાઉન્ડર હાર્દિક પંડ્યાને આમાં નુકસાન થયું છે. પરંતુ સૂર્યકુમાર યાદવ અને યશસ્વી જયસ્વાલનો પાવર અકબંધ છે. ઓલરાઉન્ડરોની રેન્કિંગમાં મોટી ઉથલપાથલ થઈ છે. ઈંગ્લેન્ડનો સર્વશ્રેષ્ઠ ખેલાડી લિયામ લિવિંગસ્ટોન ટોપ પર આવી ગયો છે. જ્યારે પંડ્યા એક સ્થાન સરકી ગયો છે. રૂતુરાજ ગાયકવાડ નવમા નંબરે યથાવત છે. બોલરોની T20 રેન્કિંગમાં ટોપ 10માં એક પણ ભારતીય નથી.


હાર્દિક પંડ્યાને થયું નુકશાન

હાર્દિકે ઘણી વખત ટીમ ઈન્ડિયા માટે શાનદાર પ્રદર્શન કર્યું છે. પરંતુ તેઓ વર્તમાન T20 રેન્કિંગમાં એક સ્થાન નીચે આવી ગયા છે. પંડ્યા અગાઉ છઠ્ઠા સ્થાને હતો. પરંતુ હવે તે સાતમા સ્થાને આવી ગયો છે. ઓલરાઉન્ડરોની T20 રેન્કિંગમાં પંડ્યા એકમાત્ર ભારતીય છે, જે ટોપ 10માં યથાવત છે. ઈંગ્લેન્ડનો લિવિંગસ્ટોન ટોચ પર છે. તેણે સાત સ્થાનની છલાંગ લગાવી છે. બીજા નંબરે માર્કસ સ્ટોઈનિસ છે. જ્યારે ત્રીજા નંબર પર ઝિમ્બાબ્વેના સિકંદર રઝા છે.

Also Read


યશસ્વી-સૂર્યની સ્થિતિ બદલાઈ નથી

ટી20 બેટિંગ રેન્કિંગ પર નજર કરીએ તો સૂર્યકુમાર યાદવ બીજા નંબર પર યથાવત છે. ટ્રેવિસ હેડ ટોચ પર છે. ટીમ ઈન્ડિયાનો યુવા બેટ્સમેન યશસ્વી ચોથા નંબર પર યથાવત છે. તેમના સ્થાનમાં કોઈ ફેરફાર થયો નથી. ત્રીજા નંબર પર ઈંગ્લેન્ડનો ફિલિપ સોલ્ટ છે. ટીમ ઈન્ડિયાનો ખેલાડી ઋતુરાજ નવમા નંબર પર છે. તેમનું સ્થાન પણ બદલાયું નથી. બાબર આઝમ પાંચમા અને મોહમ્મદ રિઝવાન છઠ્ઠા સ્થાન પર છે.

ટોપ 10 બોલિંગ રેન્કિંગમાં એક પણ ભારતીય નથી

જો આપણે T20 બોલિંગ રેન્કિંગ પર નજર કરીએ તો ટોપ 10માં એક પણ ભારતીય નથી. આમાં ઈંગ્લેન્ડનો આદિલ રાશિદ ટોપ પર છે. વેસ્ટ ઈન્ડિઝના અકીલ હુસૈન બીજા સ્થાને છે. જ્યારે ત્રીજા નંબર પર રાશિદ ખાન છે.


  • Follow us on: