- પાકિસ્તાન ક્રિકેટ ટીમ T20 વર્લ્ડકપ 2024માંથી બહાર થયું
- પાકિસ્તાનના ખેલાડી હરિસ રઉફનો એક વીડિયો વાયરલ થયો
- હરિસ રઉફે લડાઇ મામલે પોસ્ટ શેર કરી મોટો ખુલાસો કર્યો
હાલમાં જ પાકિસ્તાન ક્રિકેટ ટીમના ખેલાડી હરિસ રઉફનો એક વીડિયો વાયરલ થયો હતો. તેઓ એક વ્યક્તિ સાથે અથડામણ કરી. આ મામલો યુએસએનો છે. પાકિસ્તાન ક્રિકેટ ટીમ T20 વર્લ્ડકપ 2024માંથી બહાર થઈ ગઈ છે. પાકિસ્તાની ખેલાડીઓ અહીં રજાઓ ગાળવા રોકાયા છે. આ દરમિયાન હરિસ એક ફેન પર ગુસ્સે થઇ ગયો હતો. આ બાબતનો વીડિયો વાયરલ થતાં તેણે સોશિયલ મીડિયા પર આવીને ખુલાસો કર્યો હતો.
હરિસ રઉફે પોસ્ટ શેર કરી કર્યો મોટો ખુલાસો
હરિસ રઉફે પર એક પોસ્ટ શેર કરી છે. તેણે લખ્યું, “હું તેને સોશિયલ મીડિયા પર લાવવા માંગતો ન હતો. પરંતુ હવે આ વીડિયો સામે આવ્યો છે. મને લાગે છે કે આ બાબતે વાત કરવી જરૂરી છે. એક પબ્લિક ફિગર તરીકે અમે તમામ પ્રકારના પ્રતિસાદ લેવા તૈયાર છીએ. તેમને અમારી ટીકા કરવાનો અથવા સમર્થન કરવાનો અધિકાર છે. પરંતુ જો તે મારા પરિવાર વિશે છે, તો હું તે મુજબ જવાબ આપીશ. લોકોએ પરિવારનું સન્માન કરવું જરૂરી છે.
સોશિયલ મીડિયા પર વીડિયો થયો વાયરલ
વાસ્તવમાં સોશિયલ મીડિયા પર એક વીડિયો વાયરલ થયો છે. જેમાં હરિસ રઉફ એક યુવકને મારવાનો પ્રયાસ કરતો જોવા મળ્યો હતો. હરિસની સાથે તેની પત્ની પણ હતી. તે હરિસને રોકવા માંગતો હતો. પણ હરિસ અટક્યો નહિ. આ જોઈને ગાર્ડે હરિસને રોક્યો અને મામલો સંભાળવાનો પ્રયાસ કર્યો. એવો દાવો કરવામાં આવી રહ્યો છે કે તે વ્યક્તિએ હરિસને આ બધું કરવા માટે ઉશ્કેર્યો હતો.
સુપર 8માંથી પાકિસ્તાન થયું બહાર
તમને જણાવી દઈએ કે ટી20 વર્લ્ડકપ 2024માંથી પાકિસ્તાનના બહાર થયા બાદ ટીમની સાથે સાથે ખેલાડીઓની પણ ઘણી ટીકા થઈ રહી છે. T20 વર્લ્ડકપમાં પાકિસ્તાને ચાર ગ્રુપ મેચ રમી હતી. આ દરમિયાન ટીમને બે મેચમાં હારનો સામનો કરવો પડ્યો હતો. પાકિસ્તાનની ટીમ સુપર 8માં પણ પહોંચી શકી નથી. કેપ્ટન બાબર આઝમ પણ સોશિયલ મીડિયા પર ખૂબ ટ્રોલ થયા હતા. તેણે પ્રેસ કોન્ફરન્સ દરમિયાન કેપ્ટનશીપ છોડવાના સંકેત આપ્યા હતા.
