T20 WC 2024: શુભમન ટીમની બહાર,ગિલના દાદાએ રોહિત-વિરાટને લઇ કહી મોટી વાત

• શુભમન ગિલને વર્લ્ડકપ ટીમમાં ના મળ્યું સ્થાન
  
• ગિલના દાદાએ રોહિત-કોહલીના કર્યા વખાણ
• શાનદાર ફોર્મમાં જોવા મળી રહી છે ટીમ ઈન્ડિયા

જ્યારે વર્લ્ડકપ પહેલા ટીમ ઈન્ડિયાની ટીમની જાહેરાત કરવામાં આવી હતી. પછી એક નામે ચાહકોને ખૂબ આશ્ચર્યચકિત કર્યા. અમે વાત કરી રહ્યા છીએ ટીમ ઈન્ડિયાના ઓપનિંગ બેટ્સમેન શુભમન ગિલની. ટી20 વર્લ્ડકપ 2024 માટે 15 સભ્યોની ટીમમાં ગિલનો સમાવેશ કરવામાં આવ્યો નથી, પરંતુ શુભમન રિઝર્વ ખેલાડી તરીકે ટીમ સાથે છે.

વર્લ્ડકપ ટીમની બહાર છે શુભમન ગિલ

આઈપીએલ 2024માં ગિલનું પ્રદર્શન સારું હતું અને ચાહકોને આશા હતી કે તેને વર્લ્ડકપ માટે ટીમમાં તક મળી શકે છે. હવે શુભમન ગિલના દાદાનો એક વીડિયો સામે આવ્યો છે. જેમાં તેણે ટીમ ઈન્ડિયાના કેપ્ટન રોહિત શર્મા અને વિરાટ કોહલી વિશે મોટી વાત કહી છે.

ગિલના દાદાનો વીડિયો સામે આવ્યો

શુભમન ગિલ ટીમ ઈન્ડિયા સાથે અમેરિકા અને વેસ્ટ ઈન્ડિઝના પ્રવાસ પર છે પરંતુ તે રિઝર્વ ખેલાડી તરીકે ટીમ સાથે છે. હવે શુભમન ગિલના દાદા દિદાર સિંહ ગિલનો એક વીડિયો સામે આવ્યો છે. વીડિયોમાં ગિલના દાદા રોહિત અને વિરાટ વિશે વાત કરતા જોવા મળ્યા હતા. તેણે કહ્યું કે રોહિત અને વિરાટ શુભમનને ખૂબ પ્રેમ કરે છે. ખાસ કરીને વિરાટ ગિલને સૌથી વધુ પ્રેમ કરે છે.

શાનદાર ફોર્મમાં જોવા મળી રહી છે ટીમ ઈન્ડિયા

અત્યાર સુધી ટીમ ઈન્ડિયા વર્લ્ડકપમાં શાનદાર ફોર્મમાં જોવા મળી રહી છે. રોહિત અને કંપનીએ 2 મેચ રમી છે અને ટીમે બંનેમાં જીત મેળવી છે. પ્રથમ મેચમાં ભારતે આયર્લેન્ડને હરાવ્યું હતું, ત્યારબાદ 9 જૂને બીજી મેચમાં ટીમ ઈન્ડિયાએ પાકિસ્તાનને હરાવ્યું હતું. હાલ ટીમ ઈન્ડિયા ગ્રુપ Aમાં 4 પોઈન્ટ સાથે પ્રથમ સ્થાન પર છે. ટીમ ઈન્ડિયા સુપર-8માં પહોંચશે તે લગભગ નિશ્ચિત માનવામાં આવે છે. હવે ભારતનો આગામી મુકાબલો 12 જૂને યજમાન યુએસએ સામે થશે.