SA Vs BAN: શું અમ્પાયરના નિર્ણયને કારણે બાંગ્લાદેશની થઈ હાર?

• દક્ષિણ આફ્રિકાએ બાંગ્લાદેશને ચાર રનથી હરાવ્યું
  
• અમ્પાયરે ખોટી રીતે મહમુદુલ્લાહને LBW તરીકે આઉટ જાહેર કર્યો: વસીમ જાફર
• બાંગ્લાદેશની આ હાર બાદ અમ્પાયરોના કેટલાક નિર્ણયો પર સવાલો ઉઠ્યા

T-20 વર્લ્ડકપમાં સોમવારે દક્ષિણ આફ્રિકા અને બાંગ્લાદેશ વચ્ચે રમાયેલી મેચમાં રોમાંચક દ્રશ્ય જોવા મળ્યું હતું.  દક્ષિણ આફ્રિકા સામેની રોમાંચક મેચમાં બાંગ્લાદેશને 4 રનથી હારનો સામનો કરવો પડ્યો હતો.  તે માત્ર 1 રન બનાવી શકયા અને 4 રનથી મેચ હારી ગયા. મેચમાં બાંગ્લાદેશની આ હાર બાદ અમ્પાયરોના કેટલાક નિર્ણયો પર સવાલો ઉઠી રહ્યા છે. હાર બાદ અનુભવી ખેલાડી વસીમ જાફરે સવાલો ઉભા કર્યા છે.

જ્યારે દક્ષિણ આફ્રિકાએ સુપર-8માં પોતાનું સ્થાન લગભગ નિશ્ચિત કરી લીધું છે. આ પહેલા બાંગ્લાદેશ જીતની ખૂબ નજીક હતું. દક્ષિણ આફ્રિકા દ્વારા આપવામાં આવેલા 114 રનના નાના લક્ષ્યનો પીછો કરતી વખતે તેણે મધ્ય ઓવરોમાં સારી ભાગીદારી કરી હતી, પરંતુ અંતે તેને હારનો સામનો કરવો પડ્યો હતો બાંગ્લાદેશની ઇનિંગ દરમિયાન, અમ્પાયરે મહમુદુલ્લાહને એલબીડબ્લ્યુ આઉટ જાહેર કર્યો હતો, પરંતુ બાંગ્લાદેશે ડીઆરએસ લીધું અને નિર્ણય પલટી ગયો. જો કે, અમ્પાયરે આઉટ આપવાને કારણે બોલને ડેડ જાહેર કરવામાં આવ્યો હતો, જેના કારણે તે બોલ પર બનાવેલા રન બાંગ્લાદેશના ખાતામાં ઉમેરી શક્યા ન હતા.

વસીમ જાફરે ઉઠાવ્યો સવાલ

વસીમ જાફરે X પર લખ્યું- અમ્પાયરે ખોટી રીતે મહમુદુલ્લાહને LBW તરીકે આઉટ જાહેર કર્યો. ત્યારબાદ લેગબાયની ફોર આવી હતી. આ પછી ડીઆરએસમાં નિર્ણય પલટાયો, પરંતુ બાંગ્લાદેશને 4 રન ન મળ્યા કારણ કે એક વખત બેટ્સમેનને આઉટ આપ્યા બાદ નોટ આઉટ આપવામાં આવે છે તો પણ તે બોલને ડેડ બોલ જાહેર કરવામાં આવે છે. જેને કારણે તે રન આપવામાં આવતા નથી. જે ખોટું છે. દક્ષિણ આફ્રિકાએ માત્ર 4 રનથી મેચ જીતી લીધી હતી. દક્ષિણ આફ્રિકાની જીતનું માર્જીન પણ ચાર રનનું હતું. મને બાંગ્લાદેશના ચાહકો માટે ખરાબ લાગે છે.

શું છે સમગ્ર મામલો?

વાસ્તવમાં આ સમગ્ર ઘટના 17મી ઓવરમાં બની હતી. બાંગ્લાદેશ ખૂબ જ સારી સ્થિતિમાં હતું. તેના બે બેટ્સમેન મહમુદુલ્લાહ અને તૌહીદ હ્રિદોય સેટ હતા. આ સમયે બાંગ્લાદેશની 6 વિકેટ બાકી હતી. તેને 23 બોલમાં 26 રનની જરૂર હતી. આ ઓવરનો બીજો બોલ ઓટેનિલ બાર્ટમેનનો બોલ મહમુદુલ્લાહના પગમાં વાગ્યો અને ચોગ્ગો લાગ્યો. પરંતુ અમ્પાયરે તેને આઉટ જાહેર કર્યો હતો. આ પછી જ્યારે રિવ્યુ લેવામાં આવ્યો ત્યારે બોલ સ્ટમ્પ સાથે અથડાતો જોવા મળ્યો ન હતો. આખરે અમ્પાયરે પોતાનો નિર્ણય ઉલટાવવો પડ્યો, પરંતુ ક્રિકેટના નિયમોને કારણે બાંગ્લાદેશ 4 રન મેળવી શક્યું ન હતું. બાંગ્લાદેશને હારનો સામનો કરવો પડ્યો અને મેચ 4 રને હારી ગઈ.