- અનેક રાજકીય નેતાઓએ વહાવ્યો શુભેચ્છાઓનો વરસાદ
- ફાઈનલ મેચમાં તે અસાધારણ વિજય હતોઃ રાષ્ટ્રપતિ મુર્મુ
- ભારતીય ક્રિકેટ ટીમનો અવિશ્વસનીય વિજય અને સિદ્ધિ! : રાજનાથ સિંહ
શનિવારે મોડી રાતે ભારતીય ટીમે સાઉથ આફ્રિકાને 7 રનથી હરાવ્યું અને ટી 20 વર્લ્ડકપ 17 વર્ષ બાદ પોતાના નામે કર્યો છે. આ સમયે ટીમ ઈન્ડિયાની જીતની સાથે સાથે દેશવાસીઓની પણ ખુશીનો પાર રહ્યો ન હતો. દેશમાં અને રાજ્યમાં અનેક જગ્યાઓએ ટીમ ઈન્ડિયાની જીતના કારણે દિવાળીથી પણ વધારે માહોલ જોવા મળ્યો. લોકો રસ્તા પર ઉતરી આવ્યા અને જીતની ઉજવણી કરવા લાગ્યા. આ સાથે જ રાજકીય નેતાઓ પણ પાછળ રહ્યા નહીં. તેઓએ પણ આ મેચની મજા માણી હતી અને સાથે જ ટીમ ઈન્ડિયાની જીત બાદ સતત સોશિયલ મીડિયાના માધ્યમથી શુભેચ્છાઓનો વરસાદ વરસાવ્યો હતો. તો જાણો કોણે શું કહ્યું.
રાષ્ટ્રપતિ દ્રૌપદી મુર્મુએ પણ પાઠવ્યા અભિનંદન
ટી-20 વર્લ્ડ કપ જીતવા બદલ ટીમ ઈન્ડિયાને મારા હાર્દિક અભિનંદન. ક્યારેય ન કહેવાની ભાવના સાથે, ટીમ મુશ્કેલ પરિસ્થિતિઓમાંથી પસાર થઈ અને સમગ્ર ટુર્નામેન્ટમાં ઉત્કૃષ્ટ કૌશલ્યનું પ્રદર્શન કર્યું. ફાઈનલ મેચમાં તે અસાધારણ વિજય હતો. શાબાશ, ટીમ ઈન્ડિયા! અમને તમારા પર ગર્વ છે!
પીએમ મોદીએ ટીમ ઈન્ડિયાને જીત માટે પાઠવ્યા અભિનંદન
વડાપ્રધાન નરેન્દ્ર મોદીએ T20 વર્લ્ડકપમાં ફાઈનલમાં સાઉથ આફ્રિકા સામે શાનદાર જીત નોંધાવવા બદલ ટીમ ઈન્ડિયાને અભિનંદન પાઠવ્યા છે. પીએમ મોદીએ કહ્યું કે ટીમ ઈન્ડિયાએ એક પછી એક શાનદાર જીત હાંસલ કરીને સમગ્ર ટૂર્નામેન્ટને રોમાંચક બનાવી દીધી. પીએમ મોદીએ કહ્યું, 'આ ભવ્ય જીત માટે તમામ દેશવાસીઓ તરફથી ભારતને ખૂબ ખૂબ અભિનંદન. આજે 140 કરોડ દેશવાસીઓ તમારા શાનદાર પ્રદર્શન પર ગર્વ અનુભવી રહ્યા છે.
તમે રમતગમતના મેદાનમાં વર્લ્ડકપ જીત્યો પણ ભારતના દરેક ગલી અને વિસ્તારમાં તમે લાખો દેશવાસીઓના દિલ જીતી લીધા. આ ટુર્નામેન્ટ પણ ખાસ કારણસર યાદ રહેશે. આટલા દેશો, આટલી ટીમો અને એક પણ મેચ ન હારવી એ કોઈ નાની સિદ્ધિ નથી. તમે વિશ્વના દરેક મહાન ક્રિકેટરના દરેક બોલ રમ્યા અને તમે શાનદાર જીત હાંસલ કરતા રહ્યા. એક પછી એક જીતની આ પરંપરાએ તમારું મનોબળ તો વધાર્યું પણ ટુર્નામેન્ટને રસપ્રદ પણ બનાવી. મારા વતી, હું તમને ખૂબ ખૂબ અભિનંદન આપું છું અને તમને શુભેચ્છા પાઠવું છું.
રાજનાથ સિંહે પણ ટીમ ઈન્ડિયાને પાઠવ્યા અભિનંદન
ભારતીય ક્રિકેટ ટીમનો અવિશ્વસનીય વિજય અને સિદ્ધિ! ભારતીય ટીમે #T20WolrdCupFinal માં દક્ષિણ આફ્રિકાને હરાવીને ઇતિહાસ રચ્યો છે! ભારતે T20 ક્રિકેટ વર્લ્ડ કપ જીતીને સમગ્ર દેશ ઉત્સાહિત છે! ક્રિકેટ કૌશલ્ય, દૃઢતા અને દ્રઢતાના અદભૂત પ્રદર્શન માટે ભારતીય ક્રિકેટ ટીમને અભિનંદન. આજની આ જીત ઘણા આવનારા ક્રિકેટરો અને ખેલાડીઓને પ્રેરણા આપશે. અમને ભારતીય ટીમ પર ગર્વ છે.
વિદેશમંત્રી એસ. જયશંકરે ભારતીય ટીમને આપ્યા અભિનંદન
કોંગ્રેસ પ્રમુખે પણ અભિનંદન પાઠવ્યા હતા
કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ T20 વર્લ્ડકપમાં ચેમ્પિયન બનવા પર અભિનંદન પાઠવ્યા છે. મલ્લિકાર્જુન ખડગેએ સોશિયલ મીડિયા X પર ટ્વીટ કરીને લખ્યું, ભારતે 17 વર્ષ બાદ રોમાંચક ફાઇનલમાં T20 વર્લ્ડકપ જીત્યો હતો. ટીમ ઈન્ડિયાને ખૂબ ખૂબ અભિનંદન, તેઓએ અદ્ભુત ક્ષમતા દર્શાવી. વિરાટ કોહલી, અક્ષર પટેલ અને અર્શદીપ સિંહે મેચમાં શાનદાર પ્રદર્શન કર્યું હતું. દરેક ભારતીયને આ જીત પર ગર્વ છે.
