- ગ્રૂપ એની એકપણ ટીમ નથી થઈ બહાર
- ગ્રુપ Cની ત્રણ ટીમો બહાર થઈ
- અફઘાનિસ્તાન સુપર-8માં પહોંચનારી પાંચમી ટીમ બની
T20 વર્લ્ડકપમાં અફઘાનિસ્તાન અને પાપુઆ ન્યુ ગિની વચ્ચેની મેચમાંથી ગ્રુપ Cની ત્રણ ટીમો બહાર થઈ ગઈ છે. અફઘાનિસ્તાને પાપુઆ ન્યુ ગિનીને 7 વિકેટે જીતી લીધી હતી. આ મેચ જીતીને અફઘાનિસ્તાન પણ સુપર-8 માટે ક્વોલિફાય થઈ ગયું છે. હવે અફઘાનિસ્તાન સુપર-8માં પહોંચનારી પાંચમી ટીમ બની ગઈ છે. આ પહેલા દક્ષિણ આફ્રિકા, ઓસ્ટ્રેલિયા, વેસ્ટ ઈન્ડિઝ અને ભારતની ટીમો સુપર-8 માટે ક્વોલિફાય થઈ ચૂકી છે.
સુપર-8માંથી 6 ટીમો બહાર થઈ ગઈ હતી
અફઘાનિસ્તાનની જીત સાથે ગ્રુપ સીમાંથી ન્યુઝીલેન્ડ સહિત ત્રણ ટીમ સુપર-8માંથી બહાર થઈ ગઈ છે. આ સાથે હવે કુલ 6 ટીમ સુપર-8ની રેસમાંથી બહાર થઈ ગઈ છે. જેમાં નામીબિયા, ઓમાન, યુગાન્ડા, પાપુઆ ન્યુ ગીની, ન્યુઝીલેન્ડ અને ન્યુઝીલેન્ડની ટીમ સામેલ છે. અત્યાર સુધી ગ્રુપ A એવું છે કે એક પણ ટીમ બહાર થઈ નથી.
સુપર-8 માટે 8 ટીમો વચ્ચે યુદ્ધ ચાલુ છે
આ વખતે T20 વર્લ્ડકપમાં 29 મેચ રમાઈ છે. 29 મેચ બાદ હવે 6 ટીમ સુપર-8ની રેસમાંથી બહાર થઈ ગઈ છે. જ્યારે 5 ટીમ સુપર-8 માટે ક્વોલિફાય થઈ છે. હાલમાં વધુ ત્રણ ટીમ સુપર-8માં પોતાનું સ્થાન બનાવશે. હવે આ ત્રણ ખાલી જગ્યાઓ માટે 8 ટીમો વચ્ચે જંગ છે. જેમાં યુએસએ, પાકિસ્તાન, કેનેડા, આયર્લેન્ડ, સ્કોટલેન્ડ, ઈંગ્લેન્ડ, બાંગ્લાદેશ, નેધરલેન્ડ અને નેપાળની ટીમ સામેલ છે.
અફઘાનિસ્તાને આ મેચ 7 વિકેટે જીતી લીધી હતી
અફઘાનિસ્તાને પાપુઆ ન્યુ ગિનીને હરાવીને સતત ત્રીજી જીત હાંસલ કરી છે. અફઘાનિસ્તાનની ખતરનાક બોલિંગ સામે પાપુઆ ન્યુ ગિનીની ટીમ માત્ર 95 રનમાં જ ઓલઆઉટ થઈ ગઈ હતી. જે બાદ અફઘાનિસ્તાને 3 વિકેટ ગુમાવીને આ લક્ષ્યાંક હાંસલ કરી લીધો હતો. હવે અફઘાનિસ્તાન ગ્રુપ સીમાં 6 પોઈન્ટ સાથે પ્રથમ સ્થાને પહોંચી ગયું છે.
