- T20 વર્લ્ડકપ 2024ની શરૂઆત 2 જૂનથી થશે
- આ ટૂર્નામેન્ટ અમેરિકા અને વેસ્ટ ઈન્ડિઝમાં યોજાશે
- આ વખતે વર્લ્ડકપમાં 20 ટીમો ટાઈટલ માટે ટકરાશે
T20 વર્લ્ડકપ 2024 શરૂ થવામાં એક દિવસ બાકી છે. પ્રથમ મેચ યુએસએ અને કેનેડા વચ્ચે રમાશે. આ વખતે વર્લ્ડકપ અમેરિકા અને વેસ્ટ ઈન્ડિઝમાં રમાઈ રહ્યો છે. આ વખતે વર્લ્ડકપમાં ઘણી નવી ટીમો પણ ભાગ લઈ રહી છે. આવી સ્થિતિમાં ચાહકોને ક્યારેક હાઈ સ્કોરિંગ મેચ જોવા મળી શકે છે. જો T20 વર્લ્ડકપના ઈતિહાસની વાત કરીએ તો એક એવી ટીમ છે જેણે એક જ મેચમાં સૌથી વધુ રન બનાવવાનો રેકોર્ડ બનાવ્યો હતો, જેને આજ સુધી કોઈ ટીમ વર્લ્ડકપમાં તોડી શકી નથી. ટીમ ઈન્ડિયા એક મેચમાં સૌથી વધુ રન બનાવનારી ટોપ-5 ટીમોની યાદીમાં પણ સામેલ છે.
શ્રીલંકાના નામે નોંધાયો ખાસ રેકોર્ડ
T20 વર્લ્ડકપમાં એક મેચમાં સૌથી વધુ રન બનાવવાનો રેકોર્ડ શ્રીલંકાની ટીમના નામે છે. વર્ષ 2007માં જ્યારે T20 વર્લ્ડકપ શરૂ થયો ત્યારે આ ટૂર્નામેન્ટમાં શ્રીલંકાએ કેન્યા સામેની મેચમાં 6 વિકેટ ગુમાવીને 260 રન બનાવ્યા હતા. આ મેચમાં શ્રીલંકા તરફથી બેટિંગ કરતા જયસૂર્યાએ સૌથી વધુ 86 રનની ઇનિંગ રમી હતી. T20 વર્લ્ડકપના ઈતિહાસમાં આ એક મેચમાં સૌથી વધુ સ્કોર છે, જેને આજ સુધી કોઈ ટીમ તોડી શકી નથી.
ચોથા નંબર પર ટીમ ઈન્ડિયા
T20 વર્લ્ડકપમાં એક મેચમાં સૌથી વધુ રન બનાવનારી ટીમોની યાદીમાં ટીમ ઈન્ડિયા ચોથા સ્થાને છે. ટીમ ઈન્ડિયાએ 2007ના વર્લ્ડકપ દરમિયાન આ સિદ્ધિ મેળવી હતી. ટીમ ઈન્ડિયાએ ઈંગ્લેન્ડ જેવી મજબૂત ટીમ સામે વર્લ્ડ કપમાં પોતાનો હાઈ સ્કોર બનાવ્યો હતો. આ મેચમાં ટીમ ઈન્ડિયાએ 20 ઓવરમાં 4 વિકેટ ગુમાવીને 218 રન બનાવ્યા હતા. આ મેચમાં ગૌતમ ગંભીર, યુવરાજ સિંહ અને વિરેન્દ્ર સેહવાગે ટીમ ઈન્ડિયા માટે શાનદાર ઈનિંગ્સ રમી હતી. ટીમ ઈન્ડિયાએ આ મેચ 18 રને જીતી લીધી હતી.
T20 વર્લ્ડ કપના ઈતિહાસમાં સૌથી વધુ રન બનાવનાર ટીમ
- શ્રીલંકા 260/6 વિરુદ્ધ કેન્યા
- ઇંગ્લેન્ડ 230/8 વિરુદ્ધ દક્ષિણ આફ્રિકા
- દક્ષિણ આફ્રિકા 229/4 વિરુદ્ધ ઈંગ્લેન્ડ
- ભારત 218/4 વિરુદ્ધ ઈંગ્લેન્ડ
- દક્ષિણ આફ્રિકા 211/5 વિરુદ્ધ સ્કોટલેન્ડ
