IND vs PAK: મેચ પહેલા ઝોમેટો-સ્વિગીએ લીધી પાકિસ્તાનની મજા,શેર કરી મજેદાર પોસ્ટ

• આજે ભારત અને પાકિસ્તાન વચ્ચે હાઈ વોલ્ટેજ મુકાબલો
  
• ન્યુયોર્કના નાસાઉ કાઉન્ટી ક્રિકેટ સ્ટેડિયમમાં રમાશે મેચ
• ઝોમેટો-સ્વિગીએ સોશિયલ મીડિયા પર પાકિસ્તાનને ટ્રોલ કરી

T20 વર્લ્ડકપ 2024માં ભારત-પાકિસ્તાનની મેચ હવેથી થોડા કલાકોમાં શરૂ થવા જઈ રહી છે. આ મેચની રાહ જોઈ રહેલા ક્રિકેટ ચાહકોના હૃદયના ધબકારા વધી રહ્યા છે. ભારતીય પ્રશંસકો ભારતીય ટીમની તાકાત અને પાકિસ્તાની ટીમની નબળાઈ અંગે સોશિયલ મીડિયા પર પોતાના મંતવ્યો શેર કરી રહ્યા છે. આવી સ્થિતિમાં ઘણા યુઝર્સ પાકિસ્તાનની ટીમ પર નિશાન સાધતા પણ જોવા મળે છે. ક્રિકેટના ચાહકોની સાથે હવે ઝોમેટો અને સ્વિગી જેવી કંપનીઓ પણ પાકિસ્તાની ચાહકો પર નિશાન સાધનારા લોકો સાથે જોડાઈ છે.

ઝોમેટો

ઝોમેટોએ તેના X હેન્ડલ પરથી એક પોસ્ટર ટ્વીટ કર્યું છે. આ પોસ્ટરમાં આજે ટોપ સેલર્સની યાદી બહાર પાડવામાં આવી છે. એક તરફ ભારતનું લિસ્ટ છે અને બીજી બાજુ પાકિસ્તાનનું લિસ્ટ છે. ઝોમેટોના આ પોસ્ટર અનુસાર, ભારત-પાકિસ્તાન મેચના દિવસે ભારતના લોકો બિરયાની, ચા અને પિઝા જેવી વસ્તુઓનો ઓર્ડર આપી રહ્યા છે. જ્યારે પાકિસ્તાની ચાહકો ટીવી ખરીદી રહ્યા છે.

સ્વિગી

આ ક્રમમાં, સ્વિગી ઇન્સ્ટામાર્ટના એકાઉન્ટમાંથી એક પોસ્ટ પણ શેર કરવામાં આવી છે. આ પોસ્ટમાં "હેપ્પી INDvsPAK દિવસ" કેપ્શન સાથે એક ટ્વિટ છે. આ ટ્વીટમાં પાકિસ્તાન ક્રિકેટ બોર્ડના ઓફિશિયલ એકાઉન્ટ પર મોકલવામાં આવેલા મેસેજનો સ્ક્રીનશોટ છે. આ મેસેજમાં લખ્યું છે કે “બોલો તો રેડ બુલ મોકલી આપીએ એનર્જી માટે, મેચ હાર્યા બાદ ટીવી ઉઠાવવા કામ આવશે.