- T20 વર્લ્ડકપ 2024 જૂનમાં શરૂ થવા જઈ રહ્યો છે
- અમેરિકા અને વેસ્ટ ઈન્ડિઝમાં સંયુક્ત રીતે યોજાશે
- ભારત અને પાકિસ્તાન વચ્ચે 9 જૂને ન્યૂયોર્કમાં મેચ રમાશે
ક્રિકેટ ચાહકો હવે T20 વર્લ્ડકપ 2024ની આતુરતાથી રાહ જોઈ રહ્યા છે. T20 વર્લ્ડકપ 2024 જૂનમાં શરૂ થવા જઈ રહ્યો છે. આ ટુર્નામેન્ટ અમેરિકા અને વેસ્ટ ઈન્ડિઝમાં સંયુક્ત રીતે યોજાશે. આ ટૂર્નામેન્ટમાં ભારત અને પાકિસ્તાનની ટીમો ફરી એકવાર સામસામે આવવાની છે. દરેક ક્રિકેટ પ્રેમી ભારત-પાક મેચની રાહ જુએ છે. આ મેચનો એટલો ક્રેઝ છે કે મેચની ટિકિટની કિંમત કરોડોમાં પહોંચી ગઈ છે. જેના કારણે ચાહકોના હોશ ઉડી ગયા છે. વાસ્તવમાં, ચાહકો હવે કોઈપણ મોટી ICC ટૂર્નામેન્ટમાં ભારત અને પાકિસ્તાન વચ્ચેની મેચ જોવા મળે છે. આવી સ્થિતિમાં, ચાહકો આ મેચને લઈને ખૂબ જ ઉત્સાહિત છે.
ભારત-પાક મેચની સૌથી મોંઘી ટિકિટ
T20 વર્લ્ડકપ 2024માં ભારત અને પાકિસ્તાન વચ્ચે 9 જૂને ન્યૂયોર્કમાં મેચ રમાશે. ICCની વેબસાઈટ પર આ મેચની ટિકિટની સૌથી ઓછી કિંમત 497 રૂપિયા હતી. આ સિવાય સાઇટ પર સૌથી મોંઘી મેચની ટિકિટની કિંમત 33,148 રૂપિયા હતી. પરંતુ જેવી ટિકિટ ખરીદવાની બારી ખુલી કે તરત જ આ મેચની ટિકિટો થોડા સમયમાં જ વેચાઈ ગઈ હતી. જે બાદ ભારત-પાક મેચની ટિકિટ ઉપલબ્ધ નથી. લોકો ટિકિટ ખરીદવા માટે મોં માંગી કિંમત ચૂકવવા તૈયાર છે.
આ વેબસાઈટ પર વેચાઈ રહી છે ટીકિટો
એક અહેવાલ મુજબ, 400 ડોલરની ટિકિટની કિંમત વધીને 40 હજાર ડોલરની આસપાસ થઈ ગઈ છે. જેની ભારતીય ચલણમાં કિંમત અંદાજે 33 લાખ રૂપિયા છે. મેચની આ ટિકિટો યુએસએના રિ-સેલ પ્લેટફોર્મ પર વેચાઈ રહી છે. StubHub અને SeatGreek જેવી વેબસાઇટ્સ પર ભારત-પાક મેચની ટિકિટ બ્લેકમાં ઉપલબ્ધ છે.
રિ-સેલની સૌથી મોંઘી ટિકિટની વાત કરીએ તો, ભારત-પાકિસ્તાન મેચની ટિકિટ 1 લાખ 75 હજાર ડોલરમાં વેચાઈ રહી છે, જેની કિંમત ભારતીય ચલણમાં 1.86 કરોડ રૂપિયા છે. જે બાદ ફેન્સ માટે મેચની ટિકિટ ખરીદવી ખૂબ જ મુશ્કેલ બની રહી છે. ઘણીવાર એવું જોવા મળે છે કે જ્યારે પણ આ બંને ટીમો વર્લ્ડકપ જેવી મોટી ટૂર્નામેન્ટમાં ટકરાય છે ત્યારે મેચ પહેલા જ તમામ ટિકિટો વેચાઈ જાય છે.
શું છે રિ-સેલ ટીકિટ
રિસેલ ટીકિટો એવી ટીકિટો છે, જે સતાવાર માધ્યમથી ખરીદી છે અને પછી એને અન્ય પ્લેટફોર્મ પર તેનું વેચાણ કરે છે. અમેરિકામાં આ કાયદેસર છે.
