- ઓસ્ટ્રેલિયા અને વેસ્ટ ઈન્ડિઝની ટીમો સેમિફાઈનલમાં પ્રવેશ કરશે
- સૌથી વધુ રન બનાવનાર ખેલાડીમાં જોસ બટલરના નામની કરી પસંદગી
- કુલદીપ યાદવને સૌથી વધુ વિકેટ લેનાર બોલર તરીકે પસંદ કર્યો
વર્લ્ડકપ 2024નો ફિવર આખી દુનિયામાં છવાયેલો છે. આ સાથે ક્રિકેટ પંડિતોએ પ્લેઈંગ ઈલેવનથી લઈને ટીમોના ગણિત સુધી તમામ પ્રકારની ભવિષ્યવાણીને શરૂ કરી છે. આ દરમિયાન પૂર્વ દિગ્ગજ ખેલાડી ઈયાન બિશપે એક એવી ભવિષ્યવાણી કરી છે જેને જોઈને કોઈ પણ ચોંકી શકે છે. T20 વર્લ્ડ કપ 2024માં ઈયાન બિશપે ભવિષ્યવાણી કરી છે કે જે બેટ્સમેન IPLમાં બેટથી કંઈ ખાસ નથી કરી શક્યો તે ટોપ રન બનાવનાર બેટ્સમેન બની જશે. આ સિવાય તેમણે તે ટોપ-4 ટીમોની પણ ભવિષ્યવાણી કરી છે.
કોણ હશે સેમી ફાઇનલિસ્ટ ટીમ?
ઇયાન બિશપે સુપર-4 ટીમોની આગાહી કરી છે. આ યાદીમાં ઈંગ્લેન્ડ, વેસ્ટ ઈન્ડિઝ, ભારત અને ઓસ્ટ્રેલિયાની ટીમો છે. જો આપણે T20 વર્લ્ડ કપ 2022 પર નજર કરીએ તો આ ચાર ટીમો ન્યૂઝીલેન્ડ, પાકિસ્તાન, ઈંગ્લેન્ડ અને ભારત સેમીફાઈનલ માટે ક્વોલિફાઈ થઈ હતી. પરંતુ બિશપના મતે આ વખતે ઓસ્ટ્રેલિયા અને વેસ્ટ ઈન્ડિઝની ટીમો સેમિફાઈનલમાં પ્રવેશ કરશે જ્યારે ન્યૂઝીલેન્ડ અને પાકિસ્તાન બહાર થઈ જશે.
કોણ સૌથી વધુ રન બનાવશે?
T20 વર્લ્ડકપમાં ઘણા એવા બેટ્સમેન છે જે ફોર્મમાં છે. આઈપીએલમાં ઘણા બેટ્સમેનોએ તબાહી મચાવી છે. પરંતુ ઈયાન બિશપે જોસ બટલરને લઈને સૌથી વધુ રન બનાવવાની આગાહી કરી છે. આઈપીએલ 2024માં બટલર 11 મેચમાં માત્ર 1 સદી ફટકારવામાં સફળ રહ્યો હતો. હવે જોવાનું એ રહે છે કે ટી20 વર્લ્ડકપ 2024માં બટલર તેમાં દેખાય છે કે નહીં.
જાણો ટોપ વિકેટ લેનાર ખેલાડી
ઈયાન બિશપે ભારતીય સ્પિનર કુલદીપ યાદવને સૌથી વધુ વિકેટ લેનાર બોલર તરીકે પસંદ કર્યો છે. IPL 2024માં કુલદીપ યાદવ શાનદાર બોલિંગ કરતો જોવા મળ્યો હતો. અમેરિકા અને વેસ્ટ ઈન્ડિઝની પીચ પર પણ કુલદીપ એક શાનદાર બેટ્સમેન સાબિત થઈ શકે છે.
