ICC Rules: નવા નિયમથી USAને થયું નુકસાન, ટીમ ઈન્ડિયાને શું થયો ફાયદો

• અમ્પાયરે યુએસએ ટીમને 5 રનનો દંડ ફટકાર્યો
  
• આ નિર્ણય સ્ટોપ ક્લોક નિયમ હેઠળ લેવામાં આવ્યો હતો
• 2 વખતની ચેતવણી બાદ કરાઈ કાર્યવાહી

T20 વર્લ્ડ કપ 2024ની 25મી મેચ સંયુક્ત યજમાન અમેરિકા અને ભારતની ટીમો વચ્ચે રમાઈ હતી. ન્યુયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં બંને ટીમો સામસામે હતી. આ મેચમાં ICCના નવા નિયમને કારણે USA ટીમ સામે મોટી કાર્યવાહી કરવામાં આવી હતી. તે જ સમયે, યુએસએની ભૂલને કારણે ટીમ ઈન્ડિયાને પણ મોટો ફાયદો થયો.

ICCના આ નિયમનો શિકાર બની USAની ટીમ

ટીમ ઈન્ડિયાની ઈનિંગની 15મી ઓવર બાદ અમ્પાયરે યુએસએ ટીમ પર 5 રનનો દંડ ફટકાર્યો હતો. યુએસએ ટીમ સામે આ નિર્ણય સ્ટોપ ક્લોક નિયમ હેઠળ લેવામાં આવ્યો હતો. નિયમો અનુસાર, જો બોલિંગ ટીમ પાછલી ઓવર પૂરી થયાની 60 સેકન્ડની અંદર આગલી ઓવર નાખવા માટે તૈયાર ન હોય તો અને ઈનિંગમાં ત્રીજી વખત આવું થાય તો 5 રનનો દંડ લાદવામાં આવે છે. અમ્પાયરે યુએસએની ટીમને બે વખત ચેતવણી પણ આપી હતી અને પછી આ કાર્યવાહી કરી હતી.

બેટિંગ ટીમને ફાયદો મળ્યો

સ્ટોપ ક્લોક નિયમને કારણે બેટિંગ ટીમને ફાયદો મળ્યો. જો કોઈ પણ ટીમ પાછલી ઓવર પૂરી થયા બાદ આગલી ઓવર નાખવા માટે બે વખતથી વધુ 60 સેકન્ડ લે છે, તો બેટિંગ કરનાર ટીમને 5 રન આપવામાં આવે છે, આવી સ્થિતિમાં ટીમ ઈન્ડિયાના ખાતામાં 5 રન ઉમેરાય છે. હંમેશા એવું જોવામાં આવ્યું છે કે 1-1 રન મેચનું પરિણામ બદલવા માટે પૂરતા હોય છે. આવી સ્થિતિમાં આ 5 રન બેટિંગ ટીમ માટે ખૂબ જ ઉપયોગી છે અને તે જ આ મેચમાં પણ જોવા મળ્યું હતું. તમને જણાવી દઈએ કે ટીમ ઈન્ડિયાને છેલ્લી 5 ઓવરમાં જીતવા માટે 35 રનની જરૂર હતી. ત્યારબાદ તેને આ 5 રન આપવામાં આવ્યા હતા, જે ટીમ ઈન્ડિયા માટે છેલ્લી ક્ષણે ખૂબ જ ઉપયોગી હતા.