- વિરાટ કોહલીએ 2014ના વર્લ્ડકપમાં સૌથી વધુ રન બનાવ્યા
- વિરાટના નામે બે વખત પ્લેયર ઓફ ધ ટુર્નામેન્ટનો એવોર્ડ
- વિરાટ કોહલીએ ટુર્નામેન્ટમાં બે વખત સૌથી વધુ રન બનાવ્યા
ટીમ ઈન્ડિયા T20 વર્લ્ડકપ 2024માં ધમાકેદાર દેખાવ કરવા માટે તૈયાર છે. વોર્મ-અપ મેચ પહેલા ટીમના તમામ ખેલાડીઓ નેટ્સમાં જોરશોરથી પ્રેક્ટિસ કરી રહ્યા છે. બીજી તરફ, ચાહકો વિરાટ કોહલી ટીમ સાથે જોડાવાની રાહ જોઈ રહ્યા છે. કોહલી IPL 2024થી બ્રેક પર છે અને હજુ સુધી ન્યૂયોર્કમાં ટીમ ઈન્ડિયા સાથે જોડાયો નથી. IPL 2024માં ધમાલ મચાવ્યા બાદ ચાહકો હવે કોહલી પાસેથી વર્લ્ડકપમાં પણ આવા જ શાનદાર પ્રદર્શનની અપેક્ષા રાખે છે. આ સાથે જ વિરાટ કોહલીએ T20 વર્લ્ડકપના ઈતિહાસમાં ઘણા ખાસ રેકોર્ડ પણ પોતાના નામે કર્યા છે.
પ્લેયર ઓફ ધ ટુર્નામેન્ટનો એવોર્ડ
T20 વર્લ્ડકપમાં વિરાટ કોહલીનો રેકોર્ડ ઘણો શાનદાર છે. આ ટુર્નામેન્ટમાં કોહલીએ બે વખત પ્લેયર ઓફ ધ ટુર્નામેન્ટનો એવોર્ડ જીત્યો છે. T20 વર્લ્ડ કપમાં બે વખત પ્લેયર ઓફ ધ ટુર્નામેન્ટનો ખિતાબ જીતનાર વિરાટ વિશ્વનો એકમાત્ર ખેલાડી છે. કોહલીએ વર્ષ 2014માં આ ખિતાબ જીત્યો હતો. આ પછી, વર્ષ 2016 માં, કોહલીએ બીજી વખત આ ખિતાબ જીત્યો. 2007માં જ્યારે T20 વર્લ્ડકપ શરૂ થયો ત્યારે પાકિસ્તાનના પૂર્વ કેપ્ટન શાહિદ આફ્રિદીએ આ એવોર્ડ જીત્યો હતો.
ટુર્નામેન્ટમાં બે વખત સૌથી વધુ રન બનાવ્યા
T20 વર્લ્ડ કપના ઈતિહાસમાં વિરાટ કોહલીએ ટૂર્નામેન્ટમાં બે વખત સૌથી વધુ રન બનાવ્યા છે. સૌથી પહેલા વર્ષ 2014માં કોહલીએ આ ટૂર્નામેન્ટમાં સૌથી વધુ રન બનાવ્યા હતા. આ વર્ષે કોહલીએ 319 રન બનાવ્યા હતા. આ સિઝનમાં કોહલીએ ચાર ફિફ્ટી ફટકારી હતી. આ સિવાય વિરાટે વર્ષ 2022માં સૌથી વધુ રન બનાવ્યા હતા. આ સિઝનમાં કોહલીએ 6 મેચમાં કુલ 296 રન બનાવ્યા હતા. આ દરમિયાન કોહલીએ 4 ફિફ્ટી ફટકારી હતી.
