- ભારતીય ટીમ સુપર-8 રાઉન્ડ માટે તૈયાર
- પ્રેક્ટિસ સેશનમાં પરસેવો પાડી રહી છે ભારતીય ટીમ
- વિરાટ કોહલી સારૂ પ્રદર્શન કરશે તેવી આશા
ટી20 વર્લ્ડ કપ 2024ના પ્રથમ રાઉન્ડમાં કમાલનું પ્રદર્શન કર્યા બાદ હવે ભારતીય ટીમ સુપર-8 રાઉન્ડ માટે તૈયાર છે. સુપર-8 રાઉન્ડની શરૂઆત 19 જૂનથી થઈ રહી છે અને ભારતીય ટીમને પોતાની પ્રથમ મેચ 20 જૂને અફઘાનિસ્તાન સામે રમવાની છે. સુપર-8 રાઉન્ડ માટે ભારતીય ટીમની તૈયારી કેવી છે, તેના જવાબમાં કેપ્ટન રોહિત શર્માએ આપ્યો છે. રોહિત શર્માએ કહ્યું કે તેમની ટીમનો દરેક ખેલાડી સુપર-8 રાઉન્ડની રાહ જોઈ રહ્યો છે. દરેક ખેલાડી આ રાઉન્ડમાં પોતાની છાપ છોડવા ઈચ્છે છે.
રોહિત શર્માએ સુપર-8 રાઉન્ડ પહેલા ઘણી મોટી વાત કહી. તેમને કહ્યું અમારી પુરી ટીમમાં કંઈક ખાસ કરવાની ઈચ્છા દેખાઈ રહી છે. અમે દરેક પ્રેક્ટિસ સેશનમાં પોતાને સુધારી રહ્યા છે. ટીમ ઈન્ડિયાને સુપર-8ની પ્રથમ મેચ બારબાડોસમાં રમવાની છે અને ત્યાંની પીચ પર ટીમ અભ્યાસ કરી રહી છે. ખાસ કરીને કેપ્ટન રોહિત શર્મા અને વિરાટ કોહલીએ નેટ્સ પર એકસ્ટ્ર સમય વિતાવ્યો, જેમનું પ્રદર્શન આ ટૂર્નામેન્ટમાં કંઈક ખાસ રહ્યું નથી. વિરાટ કોહલી 3 મેચમાં માત્ર 5 જ રન બનાવી શક્યો છે. હવે સુપર 8 રાઉન્ડમાં તેના સારા પ્રદર્શનની આશા છે.
