મહિલા વર્લ્ડકપ 2024માં દરરોજ હાઈ વોલ્ટેજ મુકાબલો જોવા મળી રહ્યો છે. હરમનપ્રીત કૌરની આગેવાનીમાં ભારતીય ટીમે ન્યૂઝીલેન્ડ સામે પોતાના અભિયાનની શરૂઆત કરી હતી. પરંતુ મેન ઇન બ્લુ પ્રથમ મેચ હારી ગઈ હતી. આ હાર બાદ ટીમ ઈન્ડિયાનું સેમીફાઈનલમાં પહોંચવાનું જોખમ હતું. જોકે, 8 ઓક્ટોબરે રમાયેલી ઓસ્ટ્રેલિયા અને ન્યૂઝીલેન્ડની મેચ બાદ સેમિફાઇનલમાં પહોંચવાના સમીકરણ બદલાઈ ગયા છે. હવે ટીમ ઈન્ડિયાએ સેમીફાઈનલમાં પહોંચવા માટે આ કામ કરવું પડશે.


ઓસ્ટ્રેલિયાએ ન્યુઝીલેન્ડને હરાવ્યું

8 ઓક્ટોબરે ઓસ્ટ્રેલિયા અને ન્યુઝીલેન્ડ વચ્ચે મેચ રમાઈ હતી. ઓસ્ટ્રેલિયાએ આ મેચમાં પ્રથમ બેટિંગ કરીને શાનદાર પ્રદર્શન કર્યું હતું. ઓપનર એલિસા હીલીએ 20 બોલમાં 26 રન અને બેથ મૂનીએ 32 બોલમાં 40 રન ફટકારીને ઓસ્ટ્રેલિયાને સારી શરૂઆત અપાવી હતી. તેના સિવાય એલિસ પેરીએ પણ 24 બોલમાં 30 રન બનાવ્યા, જ્યારે ફોબી લિચફિલ્ડે 18 રનનું યોગદાન આપ્યું અને ટીમનો સ્કોર 148/6 સુધી પહોંચાડ્યો.

Also Read

લક્ષ્યનો પીછો કરતા ન્યૂઝીલેન્ડ 19.2 ઓવરમાં 88 રનમાં ઓલઆઉટ થઈ ગયું હતું. ટીમ તરફથી અમેલિયા કેરે સૌથી વધુ રન બનાવ્યા હતા. તેણે 31 બોલમાં 29 રનની ઇનિંગ રમી હતી. જો કે આ મેચમાં ન્યુઝીલેન્ડને 60 રનથી હારનો સામનો કરવો પડ્યો હતો.

પોઈન્ટ ટેબલમાં મોટો ફેરફાર

ભારતને પ્રથમ મેચ ન્યુઝીલેન્ડ સામે હારવી પડી હતી. આવી સ્થિતિમાં ટીમ ઈન્ડિયાનો સેમીફાઈનલમાં પહોંચવાનો રસ્તો મુશ્કેલ બની ગયો હતો. પરંતુ તેની બીજી મેચમાં ભારતે પાકિસ્તાનને હરાવીને સેમીફાઈનલમાં પહોંચવાની તેની આશા જીવંત રાખી હતી. હવે ઓસ્ટ્રેલિયા અને ન્યુઝીલેન્ડ વચ્ચે રમાયેલી મેચ બાદ ભારતનો રસ્તો થોડો સરળ બની ગયો છે. કારણ કે અત્યાર સુધી રમાયેલી 2 મેચોમાં ન્યૂઝીલેન્ડ, પાકિસ્તાન અને ભારતે 1-1થી જીત મેળવી છે. પરંતુ પોઈન્ટ ટેબલમાં ભારત હજુ પણ ચોથા સ્થાને છે. કારણ કે ટીમનો રન રેટ સારો નથી. સેમિફાઇનલમાં પહોંચવા માટે ભારતે માત્ર તમામ મેચો જ જીતવી જરૂરી નથી પરંતુ સારા રન રેટથી પણ જીતવી પડશે.

પોઈન્ટ ટેબલની સ્થિતિ

ઓસ્ટ્રેલિયા અત્યારે ગ્રુપ Aમાં 2 મેચમાં 2 જીત અને 4 પોઈન્ટ સાથે પ્રથમ સ્થાને છે, જ્યારે પાકિસ્તાન 2 પોઈન્ટ સાથે બીજા સ્થાને છે, જ્યારે ન્યૂઝીલેન્ડ ત્રીજા સ્થાને પહોંચી ગયું છે. ભારત ચોથા સ્થાને છે જ્યારે શ્રીલંકા 0 પોઈન્ટ સાથે છેલ્લા સ્થાને છે.

  • Follow us on: