- નાડાએ આ સ્ટાર રેસલરને ડોપ ટેસ્ટ ન કરાવવા બદલ કાર્યવાહી કરી
- આ કડક પગલાને કારણે બજરંગ પુનિયાના પેરિસ ઓલિમ્પિકમાં રમવા અંગે સસ્પેન્સ વધી ગયું
- બજરંગ પુનિયાને નેશનલ એન્ટી ડોપિંગ એજન્સીએ સસ્પેન્ડ કરી દીધા છે
ભારતના સ્ટાર ઓલિમ્પિક મેડલ વિજેતા કુસ્તીબાજ બજરંગ પુનિયા માટે પેરિસ ઓલિમ્પિકમાં રમવું મુશ્કેલ લાગી રહ્યું છે. 5 મે, રવિવારના રોજ નાડાએ આ સ્ટાર રેસલરને ડોપ ટેસ્ટ ન કરાવવા બદલ કાર્યવાહી કરીને સસ્પેન્ડ કરી દીધા હતા. આ કડક પગલાને કારણે બજરંગ પુનિયાના પેરિસ ઓલિમ્પિકમાં રમવા અંગે સસ્પેન્સ વધી ગયું છે.
ભારતીય કુસ્તીબાજ બજરંગ પુનિયાએ ભારત માટે ઓલિમ્પિક બ્રોન્ઝ મેડલ જીત્યો છે
બજરંગ પુનિયાને નેશનલ એન્ટી ડોપિંગ એજન્સીએ સસ્પેન્ડ કરી દીધા છે. નાડા દ્વારા આ નિર્ણય લેવામાં આવ્યા બાદ હવે તેની પેરિસ ઓલિમ્પિકમાં જવાની આશાને મોટો ફટકો પડ્યો છે. ડોપ સેમ્પલ ન આપવા બદલ NADAએ બજરંગ પુનિયાને સસ્પેન્ડ કરી દીધા હતા.
ટોક્યોમાં આયોજિત ઓલિમ્પિક 2020માં તેણે 65 કિગ્રા વજન વર્ગમાં બ્રોન્ઝ મેડલ જીત્યો હતો
આ વર્ષે માર્ચમાં સોનીપતમાં આયોજિત ટ્રાયલ બાદ બજરંગ પુનિયાએ ડોપ ટેસ્ટ આપ્યો ન હતો. હવે જો તેના પર લગાવવામાં આવેલો આ પ્રતિબંધ હટાવવામાં નહીં આવે તો તે પેરિસ ઓલિમ્પિકની અંતિમ ટ્રાયલ્સમાં ભાગ લઈ શકશે નહીં. ભારતીય કુસ્તીબાજ બજરંગ પુનિયાએ ભારત માટે ઓલિમ્પિક બ્રોન્ઝ મેડલ જીત્યો છે. ટોક્યોમાં આયોજિત ઓલિમ્પિક 2020માં તેણે 65 કિગ્રા વજન વર્ગમાં બ્રોન્ઝ મેડલ જીત્યો હતો.
10 માર્ચના રોજ NADAએ બજરંગ પુનિયાને તેના સેમ્પલ આપવા માટે કહ્યું હતું,
10 માર્ચના રોજ NADAએ બજરંગ પુનિયાને તેના સેમ્પલ આપવા માટે કહ્યું હતું, પરંતુ આ સ્ટાર રેસલરે તેમ ન કર્યું. આથી નાડાએ વર્લ્ડ એન્ટી ડોપિંગ એજન્સી (WADA)ને આ અંગે જાણ કરી હતી. આ પછી, WADAએ NADAને બજરંગને નોટિસ જારી કરવાનું સૂચન કર્યું અને તેને જવાબ આપવાનું કહ્યું કે તેણે ટેસ્ટ માટે કેમ ના પાડી. આવી સ્થિતિમાં NADAએ બજરંગ પુનિયાને 23 એપ્રિલે નોટિસ પાઠવીને 7 મે સુધીમાં જવાબ આપવા કહ્યું છે. જ્યારે બજરંગ નાડાને જવાબ આપશે ત્યારે જ સુનાવણીની તારીખ નક્કી કરવામાં આવશે.
બજરંગ પુનિયા ટ્રાયલમાં હારી ગયા હતા
બજરંગ પુનિયાને પેરિસ ઓલિમ્પિક ક્વોલિફાયર માટે આયોજિત નેશનલ સિલેક્શન ટ્રાયલ્સમાં હારનો સામનો કરવો પડ્યો હતો. ટોક્યો ઓલિમ્પિક (2020) બ્રોન્ઝ મેડલ વિજેતા બજરંગ પુનિયાને 65 કિગ્રા ફ્રી સ્ટાઇલ વજન વર્ગની સેમિફાઇનલમાં કુસ્તીબાજ રોહિત કુમારે હરાવ્યો હતો. આવી સ્થિતિમાં, પેરિસ ઓલિમ્પિક 2024 માં ભાગ લેવાની તેની આશાઓને મોટો ફટકો પડ્યો.
બજરંગ પુનિયા એવા કુસ્તીબાજોમાં સામેલ હતા જેમણે રેસલિંગ ફેડરેશન ઓફ ઈન્ડિયા (WFI) ના ભૂતપૂર્વ પ્રમુખ બ્રિજ ભૂષણ શરણ સિંહ સામે વિરોધ કર્યો હતો અને હડતાલ પર બેઠા હતા. બજરંગ પુનિયાએ હાલમાં જ યુનાઈટેડ વર્લ્ડ રેસલિંગ (UWW)ને પત્ર લખીને WFI સામે પગલાં લેવા વિનંતી કરી હતી. જો કે, થોડા દિવસો પછી, UWW એ WFI પરનો પ્રતિબંધ ઉઠાવી લીધો.
