- ભારતીય ટીમ અને ઈંગ્લેન્ડ વચ્ચે રમાશે ટેસ્ટ શ્રેણીની ત્રીજી મેચ
- આવતીકાલથી રાજકોટમાં રમાશે મેચ
- અત્યાર સુધી ટેસ્ટ ક્રિકેટમાં સૌથી વધુ 800 વિકેટ લેવાનો રેકોર્ડ શ્રીલંકાના દિગ્ગજ સ્પિનર મુથૈયા મુરલીધરનના નામે
ભારતીય ટીમ હાલમાં 5 મેચોની ટેસ્ટ શ્રેણી રમી રહી છે. પ્રથમ બે મેચ બાદ આ શ્રેણી 1-1થી બરાબર છે. જ્યારે ત્રીજી મેચ 15 ફેબ્રુઆરીથી રાજકોટમાં રમાશે. આ મેચ ભારતીય સમય અનુસાર સવારે 9.30 વાગ્યાથી રમાશે. આ મેચમાં બેન સ્ટોક્સ, જેમ્સ એન્ડરસન અને અશ્વિન પાસે ઐતિહાસિક રેકોર્ડ બનાવવાની તક છે.ઈંગ્લેન્ડના કેપ્ટન બેન સ્ટોક્સ અને અનુભવી ફાસ્ટ બોલર જેમ્સ એન્ડરસન માટે આ મેચ ખૂબ જ ખાસ રહેવાની છે.
શાનદાર રેકોર્ડ બનાવવાની તક
સાથે જ ભારતીય સ્ટાર સ્પિનર રવિચંદ્રન અશ્વિન માટે આ ટેસ્ટ મેચમાં પોતાના નામે એક શાનદાર રેકોર્ડ બનાવવાની તક હશે. આ ઉપરાંત ભારતીય ટીમને આ મેચ જીતીને રાજકોટના મેદાન પર વિજયનો સિલસિલો જારી રાખવાની તક મળશે.મહત્વની વાત એ છે કે, ભારતીય ટીમ અને ઈંગ્લેન્ડ વચ્ચે 5 મેચની ટેસ્ટ સીરીઝ હાલમાં 1-1 થી બરાબર છે. તેમજ ત્રીજી મેચ રાજકોટમાં 15 ફેબ્રુઆરીથી ભારતીય સમય અનુસાર સવારે 9.30 કલાકે રમાશે. આ મેચમાં બેન સ્ટોક્સ, એન્ડરસન અને અશ્વિન પાસે ઐતિહાસિક રેકોર્ડ બનાવવાની તક હશે.
સ્ટોક્સ તેની કારકિર્દીની 100મી ટેસ્ટ રમશે
ઇંગ્લિશ કેપ્ટન બેન સ્ટોક્સની કારકિર્દીની આ 100મી ટેસ્ટ મેચ હશે. આ મેચમાં પ્રવેશ કરીને તે મોટી સિદ્ધિ હાંસલ કરશે. આ મેચમાં તેની ભાગીદારી સાથે સ્ટોક્સ 100 ટેસ્ટ રમનાર 16મો અંગ્રેજ ખેલાડી બની જશે. અત્યાર સુધી ઈંગ્લેન્ડ માટે સૌથી વધુ 184 ટેસ્ટ રમવાનો રેકોર્ડ જેમ્સ એન્ડરસનના નામે છે. એકંદરે સૌથી વધુ 200 ટેસ્ટ રમવાનો રેકોર્ડ સચિન તેંડુલકરના નામે છે.
સ્ટોક્સ 200 વિકેટનો રેકોર્ડ પણ બનાવી શકે છે
ફાસ્ટ બોલિંગ ઓલરાઉન્ડર બેન સ્ટોક્સે તેની કારકિર્દીમાં અત્યાર સુધી 99 ટેસ્ટ મેચોની 146 ઇનિંગ્સમાં 197 વિકેટ ઝડપી છે. જો તે આગામી ટેસ્ટમાં બોલિંગ કરશે અને 3 વિકેટ લેશે તો તે વધુ એક રેકોર્ડ પોતાના નામે કરી લેશે. તે 200 ટેસ્ટ વિકેટ લેનારો 17મો અંગ્રેજ ખેલાડી બનશે. અત્યાર સુધી ઈંગ્લેન્ડ માટે સૌથી વધુ 695 ટેસ્ટ વિકેટ લેવાનો રેકોર્ડ જેમ્સ એન્ડરસનના નામે છે.
જેમ્સ એન્ડરસન 700 વિકેટથી 5 વિકેટ દૂર છે
41 વર્ષનો અનુભવી ફાસ્ટ બોલર જેમ્સ એન્ડરસન ઈંગ્લેન્ડ તરફથી 184 મેચમાં સૌથી વધુ 695 ટેસ્ટ વિકેટ ઝડપનાર બોલર છે. આ ઉપરાંત, તે વિશ્વમાં સૌથી વધુ ટેસ્ટ વિકેટ લેનાર ઝડપી બોલર પણ છે. જો તે રાજકોટ ટેસ્ટમાં વધુ 5 વિકેટ લેશે તો તે તેની ટેસ્ટ કારકિર્દીની 700 વિકેટ પણ પૂર્ણ કરી લેશે.આ રીતે એન્ડરસન વિશ્વ ક્રિકેટમાં 700 વિકેટ લેનારો ત્રીજો બોલર બની જશે.
