- વર્લ્ડ કપ 2024 પહેલા BCCIએ મોટી જાહેરાત કરી
- ભારત અંડર-19 વર્લ્ડ કપ 2024 પહેલા ટ્રાઇ સિરીઝ રમશે
- ભારત આ ટ્રાઇ સિરીઝની પ્રથમ મેચ 29 ડિસેમ્બરે રમશે
આગામી વર્ષે યોજાનાર વર્લ્ડ કપ પહેલા BCCIએ મોટી જાહેરાત કરી છે. અંડર-19 વર્લ્ડ કપ 2024 પહેલા, BCCI ટ્રાઇ સિરીઝમાં ભાગ લેવા માટે સંમત થયું છે. આ ટ્રાઇ સિરીઝ ભારત, સાઉથ આફ્રિકા અને અફઘાનિસ્તાન વચ્ચે યોજાવા જઈ રહી છે. અંડર 19 વર્લ્ડ કપ સાઉથ આફ્રિકાના 4 સ્ટેડિયમમાં રમાશે. આવી સ્થિતિમાં ત્રિકોણીય સિરીઝ પણ સાઉથ આફ્રિકામાં જ યોજાવા જઈ રહી છે. ભારત આ ટ્રાઇ સિરીઝની પ્રથમ મેચ 29 ડિસેમ્બરે અફઘાનિસ્તાન સામે રમશે.
ફાઈનલ મેચ 10 જાન્યુઆરીએ રમાશે
આ ટ્રાઇ સિરીઝમાં ભારત અને સાઉથ આફ્રિકા 2 જાન્યુઆરીએ સામસામે ટકરાશે. અંડર 19 વર્લ્ડ કપ પહેલા આ ટ્રાઇ સિરીઝ ઘણી મહત્વની બની રહી છે. પહેલા એવું કહેવામાં આવી રહ્યું હતું કે ભારત આ ટ્રાઇ સિરીઝમાં ભાગ નહીં લે, પરંતુ આજે BCCIએ જાહેરાત કરી છે કે ભારતની અંડર 19 ટીમ પણ આ ટ્રાઇ સિરીઝમાં ભાગ લેશે. જેના કારણે ભારતીય ચાહકોનો ઉત્સાહ સાતમા આસમાને પહોંચી ગયો છે. આ સિરીઝ જોહાનિસબર્ગના ઓલ્ડ એડવર્ડિયન્સ ક્રિકેટ ક્લબમાં રમાશે. તમામ ટીમોએ એકબીજા સામે 2-2 મેચ રમવાની છે. ભારત આ સિરીઝની ત્રીજી મેચ 4 જાન્યુઆરીએ અફઘાનિસ્તાન સામે રમશે. આ પછી ચોથી મેચ 6 જાન્યુઆરીએ સાઉથ આફ્રિકા સામે રમાશે. તે જ સમયે, આ ટ્રાઇ સિરીઝની ફાઇનલ મેચ 10 ડિસેમ્બરે રમાશે.
વર્લ્ડ કપ 19 જાન્યુઆરીથી શરૂ થશે
આ ટ્રાઇ સિરીઝ દરમિયાન ભારતના સ્ટાર ખેલાડી ઉદય સહારન ટીમનું નેતૃત્વ કરશે. આ સિવાય વાઈસ કેપ્ટનની જવાબદારી સૌમ્ય કુમાર પાંડેને સોંપવામાં આવી છે. અંડર 19 વર્લ્ડ કપ આવતા વર્ષે 19 જાન્યુઆરીથી શરૂ થવા જઈ રહ્યો છે. ભારત આ વિશ્વકપમાં તેની પ્રથમ મેચ 20 જાન્યુઆરીએ બાંગ્લાદેશ સામે રમવા જઈ રહ્યું છે. આ વર્લ્ડ કપ લગભગ 22 દિવસ ચાલવાનો છે. અંડર 19 વર્લ્ડ કપની ફાઇનલ મેચ 11 ફેબ્રુઆરીએ રમાશે.
ટ્રાઇ સિરીઝ માટે ભારતીય ટીમ
અર્શિન કુલકર્ણી, આદર્શ સિંહ, રુદ્ર મયુર પટેલ, સચિન ધસ, આરાધ્યા શુક્લા, પ્રિયાંશુ મોલિયા, મુશીર ખાન, અરવેલ્લી અવનીશ રાવ (વિકેટકીપર), સૌમ્ય કુમાર પાંડે (વાઈસ-કેપ્ટન), ઉદય સહારન (કેપ્ટન), મુરુગન અભિષેક, ઈનેશ મહાજન (વિકેટકીપર), ધનુષ ગૌડા, રાજ લિંબાણી અને નમન તિવારી.
