- વિરાટ કોહલી અને અનુષ્કા શર્મા ફરી માતા - પિતા બન્યા છે
- વિરૂષ્કાએ ઇન્સ્ટામાં પોસ્ટ કરી પુત્રના જન્મની આપી જાણકારી
- વિરૂષ્કાએ પુત્રનું નામ અકાય રાખ્યું છે
ભારતીય ક્રિકેટ ટીમના સ્ટાર બેટ્સમેન વિરાટ કોહલી ઘણા સમયથી ટીમ ઈન્ડિયાથી દૂર છે. મંગળવારે તેમણે લાંબા સમયથી ચાલી રહેલી અટકળો પર પૂર્ણવિરામ મૂક્યું હતું. તેણે કહ્યું કે તે અને તેની પત્ની અનુષ્કા શર્મા 15 ફેબ્રુઆરીએ તેમના બીજા બાળકના માતા-પિતા બન્યા છે. તેણે કહ્યું કે વામિકાના ભાઈનું દુનિયામાં સ્વાગત છે અને તેના પુત્રનું નામ પણ જણાવ્યું. વિરાટે તેની ઓફિશિયલ ઇન્સ્ટાગ્રામ પોસ્ટ પર માહિતી આપી અને તેના પુત્રનું નામ જાહેર કર્યું. ઉલ્લેખનીય છે કે વિરાટ છેલ્લા કેટલાક સમયથી ટીમ ઈન્ડિયાથી દૂર છે.
વિરાટ કોહલીએ શું કહ્યું?
વિરાટ કોહલીએ આ પત્ર પોતાના ઈન્સ્ટાગ્રામ એકાઉન્ટ પર પોસ્ટ કર્યો અને તેમાં લખ્યું, 'બહુ આનંદ સાથે હું બધાને કહેવા માંગુ છું કે 15 ફેબ્રુઆરીએ અમે અમારા ઘરે વામિકાના નાના ભાઈ અકાયનું સ્વાગત કર્યું. આ અવસર પર અમે આપ સૌના આશિર્વાદ અને શુભેચ્છાઓની આશા રાખીયે છીએ. આ સમયે પણ, હું તમારી પાસે અમારી પ્મારાઇવેસી જાળવી રાખવાની આશા રાખું છું.
ઘણા સમયથી આવી રહ્યા હતા બીજી પ્રેગ્નન્સીના સમાચાર
તમને જણાવી દઈએ કે અનુષ્કા શર્માની બીજી પ્રેગ્નન્સીના સમાચાર ઘણા સમયથી સામે આવી રહ્યા હતા. અભિનેત્રીનો જાહેર દેખાવ પણ લાંબા સમયથી દેખાતો ન હતો. અનુષ્કા શર્માએ પોતાની પ્રેગ્નન્સીના સમાચાર પર મૌન જાળવ્યું હતું. જ્યારે વિરાટ કોહલીએ પણ આ અંગે કોઈ પ્રતિક્રિયા આપી નથી. વિરાટ કોહલીના ભૂતપૂર્વ રોયલ ચેલેન્જર્સ બેંગ્લોર ટીમના સાથી એબી ડી વિલિયર્સે પણ ખુલાસો કર્યો હતો કે દંપતી તેમના બીજા બાળકનું સ્વાગત કરવા જઈ રહ્યું છે.
એબી ડી વિલિયર્સે આ સમાચારની પુષ્ટિ કરી હતી
યુટ્યુબ લાઈવમાં એબી ડી વિલિયર્સે કહ્યું હતું કે, 'હા, તેનું બીજું બાળક આવવાનું છે. આ પારિવારિક સમય છે અને વસ્તુઓ તેમના માટે મહત્વપૂર્ણ છે. જોકે, બાદમાં ડી વિલિયર્સે પોતાનું નિવેદન પાછું ખેંચ્યું હતું અને કહ્યું હતું કે તેણે લાઈવ વીડિયોમાં ખોટી માહિતી આપી હતી.
દંપતીએ પુત્રનું નામ 'અકાય' રાખ્યું
હવે અનુષ્કા શર્માએ પોતે પુષ્ટિ કરી છે કે તે એક પુત્રની માતા બની છે અને તેની પુત્રી વામિકાને એક નાનો ભાઈ મળ્યો છે જેનું નામ તેણે 'અકાય' રાખ્યું છે.
અકાય નામનો અર્થ શું છે?
વિરાટ કોહલીએ ઈન્સ્ટાગ્રામ પર જે નામ લખ્યું છે તે હિન્દીમાં અકાય અને અંગ્રેજીમાં Akaay લખેલું છે, હવે તમે વિચારતા હશો કે આ નામનો અર્થ શું છે. અકાયના ઘણા અર્થો છે, તેનો એક અર્થ શારીરિક છે એટલે કે શરીર વિનાનો. જ્યારે અકાયનો વૈજ્ઞાનિક રીતે અર્થ થાય છે પૂર્ણ ચંદ્ર અથવા પૂનમની રાત્રિનો ચંદ્ર. અંગ્રેજીમાં તેને ફુલમૂન પણ કહેવામાં આવે છે.
સોશિયલ મીડિયા પર ફેન્સ ખુશ થગયા
વિરાટ કોહલીની આ પોસ્ટથી કિંગના ફેન્સ ખુશ થઈ ગયા. દરેક વ્યક્તિએ જુનિયર વિરાટનું પોતપોતાની શૈલીમાં સ્વાગત કર્યું હતું. કોઈએ લખ્યું કે ક્રિકેટના નવા ભગવાનનો જન્મ થયો છે. જ્યારે કોઈએ કહ્યું કે જુનિયર કિંગનો જન્મ થયો છે. વિરાટની પોસ્ટ પર આવી ઘણી શાનદાર કમેન્ટ્સ આવી રહી છે. ઘણા ભૂતપૂર્વ ક્રિકેટરો પણ આ અંગે ટિપ્પણી કરી રહ્યા છે. ટર્બનેટર હરભજન સિંહે સૌથી ઝડપી ટિપ્પણી કરી હતી.
