ટેસ્ટ સીરિઝ પહેલા દ્રવિડ સાથેની તસવીર શેર કરીને વિરાટ થયા ભાવુક

• રાહુલ દ્રવિડ સાથે વિરાટ કોહલીની તસવીર થઈ વાયરલ
  
• 2011માં ડોમિનિકામાં દ્રવિડ અને કોહલી સાથે હતા
• કોહલીએ પોસ્ટ કરતા લખ્યું છે કે ક્યારેય વિચાર્યું નહોતું

ટેસ્ટ સિરીઝની શરૂઆત પહેલા દ્રવિડ સાથેની તસવીર શેર કરીને વિરાટ કોહલી ભાવુક થયા.વિરાટ કોહલીએ રાહુલ દ્રવિડ સાથે એક તસવીર શેર કરી છે. વાસ્તવમાં, ભારતીય ટીમે છેલ્લે વર્ષ 2011માં ડોમિનિકામાં ટેસ્ટ મેચ રમી હતી. તે મેચમાં કોહલી અને દ્રવિડ એકસાથે ટીમનો ભાગ હતા.

ભારતીય ટીમ વેસ્ટ ઈન્ડિઝ સામે ટેસ્ટ સિરીઝ 12 જુલાઈના રોજ ડોમિનિકા ખાતે રમવા જઈ રહી છે. તે પહેલા વિરાટ કોહલીએ તેના કોચ રાહુલ દ્રવિડ સાથે સોશિયલ મીડિયા પર એક ખાસ પોસ્ટ શેર કરી છે, આ તસવીરે ફેનસમાં ખળભળાટ મચાવ્યો છે. વાસ્તવમાં, ભારત અને વેસ્ટ ઈન્ડિઝ વચ્ચે સીરિઝની પ્રથમ ટેસ્ટ મેચ ડોમિનિકામાં રમાશે. આવી સ્થિતિમાં કોહલીએ દ્રવિડ સાથેની પોસ્ટ શેર કરી અને લખ્યું કે, “2011માં ડોમિનિકામાં રમાયેલી છેલ્લી ટેસ્ટમાં માત્ર બે ખેલાડી જ હતા. ક્યારેય વિચાર્યું નહોતું કે આ સફર આપણને વિવિધ ક્ષમતાઓમાં અહીં પાછા લાવશે. ખૂબ આભારી."

ડોમિનિકામાં વર્ષ 2011માં ટેસ્ટ મેચ રમાઈ હતી

વાસ્તવમાં, ભારતીય ટીમે છેલ્લી વખત ડોમિનિકામાં વર્ષ 2011માં ટેસ્ટ મેચ રમી હતી. તે મેચમાં કોહલી અને દ્રવિડ ખેલાડીઓ તરીકે એકસાથે ટીમનો ભાગ હતા. હવે 12 વર્ષ બાદ ભારતીય ટીમ ફરી એકવાર ડોમિનિકામાં ટેસ્ટ મેચ રમવા જઈ રહી છે. આવી સ્થિતિમાં આ વખતે કોહલી એક ખેલાડી તરીકે ટીમનો ભાગ છે જ્યારે દ્રવિડ કોચ તરીકે ટીમની સાથે છે. આ જ કારણ છે કે ટેસ્ટ સીરિઝની શરૂઆત પહેલા કોહલીએ દ્રવિડ સાથેની તસવીર શેર કરતા ભાવુક જોવા મળ્યા હતા.

ભજ્જીએ કોહલીની પોસ્ટ પર કહી આ વાત
દ્રવિડ સાથે શેર કરેલી આ તસવીર પર કોમેન્ટ કરતાં ભજ્જીએ કોહલીને શુભેચ્છા પાઠવી અને એ પણ લખ્યું કે આપકે 100 કી આશા ચેમ્પ. જણાવી દઈએ કે કોહલી 2011 ટેસ્ટ સીરિઝ રમવા માટે વેસ્ટ ઈન્ડિઝ ગયા હતા, તે ટેસ્ટ સીરિઝ કોહલીની ડેબ્યુ ટેસ્ટ સીરિઝ હતી. તે જ સમયે, કોહલીએ ડોમિનિકા ટેસ્ટ મેચમાં 30 રનની ઇનિંગ રમી હતી. ભારતીય ટીમ વેસ્ટ ઈન્ડિઝના પ્રવાસ પર 2 ટેસ્ટ મેચ, 3 ODI અને 5 મેચની T-20 સીરિઝ રમશે.