Paralympicsમાં પણ વિરાટ... કારણ જાણીને તમને પણ થશે ગર્વ, જુઓ Video

• પેરિસમાં પેરાલિમ્પિક ગેમ્સની શરૂઆત થઇ ગઇ
  
• ભારતીય ખેલાડીઓનું શાનદાર પ્રદર્શન ચાલું
• સોશિયલ મીડિયા પર વીડિયો થયો વાયરલ

પેરિસમાં પેરાલિમ્પિક ગેમ્સની શરૂઆત થઇ ગઇ છે. અહીં ભારતીય ખેલાડીઓનું શાનદાર પ્રદર્શન જોવા મળી રહ્યું છે. આ દરમિયાન ભારતીય ક્રિકેટ ટીમના દિગ્ગજ બેટ્સમેન વિરાટ કોહલીનું નામ ત્યાં ગુંજી રહ્યું હતું. પેરિસ પેરાલિમ્પિક્સમાં કિંગ કોહલીનું નામ ગુંજતું હોવાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયો જોયા પછી તમે પણ ગર્વ અનુભવશો.

વિરાટ કોહલી છે નિતેશ કુમારનો હીરો

વાસ્તવમાં ભારતીય બેડમિન્ટન સ્ટાર નિતેશ કુમાર વિરાટ કોહલીને પોતાનો હીરો માને છે. ટીકાકારો આ વિશે વાત કરી રહ્યા હતા. નીતિશની મેચ દરમિયાન કોમેન્ટેટરે કહ્યું કે ભારતમાં મોટાભાગના લોકો સ્ટાર ક્રિકેટર વિરાટ કોહલીને રમતના હીરો તરીકે જુએ છે. કોમેન્ટેટરે કહ્યું નિતેશ કુમારનો હીરો વિરાટ કોહલી છે. એક તેજસ્વી ભારતીય ક્રિકેટર, જેણે અગાઉ ટીમની કેપ્ટનશિપ પણ કરી હતી. મને લાગે છે કે ભારતમાં મોટાભાગના લોકો વિરાટ કોહલીને રમતના હીરો તરીકે જુએ છે."

નિતેશ કુમારે ગોલ્ડ જીત્યો

તમને જણાવી દઈએ કે નીતિશ કુમારે બેડમિન્ટનની મેન્સ સિંગલ SL3 ઈવેન્ટમાં ગોલ્ડ મેડલ જીત્યો હતો. ફાઈનલ મેચમાં નીતિશે ગ્રેટ બ્રિટનના ડેનિયલ બેથેલને 21-14, 18-21, 23-21થી હરાવ્યો હતો. હરીફાઈ એકદમ રસપ્રદ હતી. નિતેશ મેચનો પ્રથમ રાઉન્ડ જીત્યો હતો. પછી તે બીજા રાઉન્ડમાં હારી ગયો, ત્યારબાદ ત્રીજો રાઉન્ડ રમાયો. નિતેશ ત્રીજા રાઉન્ડમાં જીતીને ગોલ્ડ જીત્યો હતો.

પેરાલિમ્પિકમાં ભારતનું અત્યાર સુધીનું પ્રદર્શન

પેરિસ પેરાલિમ્પિકમાં અત્યાર સુધી પસાર થયેલા પાંચ દિવસમાં ભારતીય ખેલાડીઓ તરફથી શાનદાર પ્રદર્શન જોવા મળી રહ્યું છે. 5 દિવસ પૂરા થતાં સુધીમાં ભારતના ખાતામાં કુલ 15 મેડલ આવી ગયા હતા. મેડલ ટેલીમાં ભારત 15માં સ્થાને છે. આ પહેલા ભારતે ટોક્યો પેરાલિમ્પિકમાં 19 મેડલ જીત્યા હતા. આ વખતે 19 મેડલનો આંકડો વટાવી જશે તે લગભગ કન્ફર્મ લાગે છે.