- ક્રિકેટમાં છગ્ગા અને ચોગ્ગાનો વરસાદ સાથે રોમાંચ જોવા મળે છે
- ચાહકો તેમના મનપસંદ ખેલાડીઓને જોવા સ્ટેડિયમમાં પહોંચે છે
- ક્રિકેટના મેદાન પર કોઈ દુઃસ્વપ્ન જેવી ઘણી દુર્ઘટનાઓ બની
લોકો ક્રિકેટના છગ્ગા અને ચોગ્ગાનો વરસાદ જોવા માટે મેદાનમાં પહોંચી જાય છે અને મેચનો રોમાંચ માણે છે. ચાહકો તેમના મનપસંદ ખેલાડીઓને જોવા અને દર્શકો વચ્ચે મેચનો આનંદ માણવા માટે ઘણા દિવસો અગાઉથી ટિકિટ ખરીદે છે. તેઓ મેચની ખૂબ મજા પણ લે છે, પરંતુ ક્રિકેટના મેદાન પર ઘણી વખત આવી દુર્ઘટના બની છે, જે કોઈ દુઃસ્વપ્નથી ઓછી નથી.
ક્રિકેટના મેદાનમાં 17 ખેલાડીઓના થયા મોત
આ મેચમાં આવી ઘટનાઓ બને છે, જેને વ્યક્તિ દાયકાઓ સુધી ભૂલી શકતો નથી. ક્રિકેટના મેદાનમાં અનેક વખત ખેલાડીઓના મોત પણ થયા છે. વર્ષ 1624થી અત્યાર સુધી મેચ દરમિયાન કુલ 17 ક્રિકેટરોએ જીવ ગુમાવ્યા છે. જેમાં સૌથી વધુ 11 ખેલાડીઓ ઈંગ્લેન્ડના છે, જ્યારે પાકિસ્તાન અને દક્ષિણ આફ્રિકાના 2-2, ઓસ્ટ્રેલિયા અને ભારતના 1-1 ખેલાડી સામેલ છે.
ક્રિકેટના મેદાનમાં જીવ ગુમાવનાર ખેલાડીઓની યાદી
જેસ્પર વિનલ
- 28 ઓગસ્ટ 1624 જેસ્પર વિનલ વિશ્વના એવા પ્રથમ ક્રિકેટર છે જેમણે મેદાન પર ઈજાને કારણે પોતાનો જીવ ગુમાવ્યો હતો. ઈંગ્લેન્ડના ખેલાડીને મેચ દરમિયાન તેને માથા પર બેટ વાગ્યુ હતુ, જેના કારણે તેણે જીવ ગુમાવ્યો હતો.
ફ્રેડરિક
- 29 માર્ચ 1751 બ્રિટિશ સિંહાસનના વારસદાર કિંગ જ્યોર્જ-2 કેરોલિનના પુત્ર ફ્રેડરિક કિંગ જ્યોર્જે મોંમાં બોલ વાગતાં તેમનું જીવન ગુમાવ્યું હતું.
જ્યોર્જ સમર્સ
- 29 જૂન 1870ના રોજ ઈંગ્લેન્ડ જ્યોર્જ સમર્સને માથા પર બોલ વાગવાને કારણે જીવ ગુમાવ્યો હતો.
એચપી લાઇટન
- 1872માં ઇંગ્લેન્ડના એચપી લાઇટન મેચમાં બોલિંગ કરી રહ્યો હતો. બેટ્સમેને તેના બોલ પર ઝડપી શોટ રમ્યો, જેના કારણે બોલ સીધો ગયો અને એચપી લાઇટનના માથા વાગી ગયો. જેના કારણે લાઇટને જીવ ગુમાવ્યો હતો.
ક્લાઉડ વિલ્સન
- 29 જૂન 1881ના રોજ ઈંગ્લેન્ડના ક્લાઉડ વિલ્સન મેચમાં સનસ્ટ્રોકને કારણે જીવ ગુમાવ્યો હતો.
ફ્રેડરિક રેન્ડન
- 1981માં લોર્ડ્સમાં રમાયેલી મેચમાં ઈંગ્લેન્ડના ખેલાડી ફ્રેડરિક રેન્ડનને માથા પર બોલ વાગ્યો હતો, જેના કારણે તેને ગંભીર ઈજા થઈ હતી. આ ઈજાને કારણે તેણે 1983માં જીવ ગુમાવ્યો હતો.
આર્થર એરલામ
- જુલાઈ 1921 ઈંગ્લેન્ડનો ખેલાડી આર્થર એરલામ માત્ર 17 વર્ષનો હતો. મેચમાં બેટ્સમેને આર્થરના બોલ પર શોટ રમ્યો જે સીધો આર્થરના માથા પર વાગ્યો અને તેના કારણે તેણે જીવ ગુમાવ્યો.
એન્ડી ડુકાટ
- 23 જુલાઈ 1942ના રોજ ઈંગ્લેન્ડનો ખેલાડી એન્ડી ડુકાટને લંડનમાં રમાયેલી મેચમાં મેદાન પર હાર્ટ એટેક આવ્યો હતો. જેના કારણે તેનું મોત થયું હતું.
અબ્દુલ અઝીઝ
- 17 જાન્યુઆરી 1959ના રોજ પાકિસ્તાનના અબ્દુલ અઝીઝ કરાચીમાં એક મેચ રમી રહ્યા હતા, જ્યાં બેટ્સમેને ઝડપી શોટ રમ્યો અને બોલ સીધો પાકિસ્તાનના ખેલાડી અઝીઝની છાતી પર વાગ્યો, જેના કારણે તે મૃત્યુ પામ્યો.
માઈકલ આઈન્સવર્થ
- 28 ઓગસ્ટ 1978ના રોજ ઈંગ્લેન્ડનો ખેલાડી માઈકલ આઈન્સવર્થ લંડનમાં રમાઈ રહેલી મેચ દરમિયાન અચાનક પડી ગયો અને મૃત્યુ પામ્યો. તેમને હાર્ટ એટેક આવ્યો હતો.
વિલ્ફ સ્લેક
- 15 જાન્યુઆરી 1989ના રોજ ઈંગ્લેન્ડનો ખેલાડી વિલ્ફ સ્લેક બેટિંગ કરતી વખતે અચાનક પડી ગયો અને તેનું ઘટનાસ્થળે જ મૃત્યુ થયું.
લેન ફોલી
- 30 ઓગસ્ટ 1993માં મેચ દરમિયાન બેટ્સમેને શોટ રમ્યો અને બોલ સીધો ગયો અને ઈંગ્લેન્ડના ખેલાડી લેન ફોલીની આંખમાં વાગ્યો. હોસ્પિટલમાં સારવાર દરમિયાન તેમને હાર્ટ એટેક આવ્યો અને તેમણે જીવ ગુમાવ્યો.
રમણ લાંબા
- 20 ફેબ્રુઆરી 1993ના રોજ ભારતીય ખેલાડી રમણ લાંબા ઢાકામાં મેચ રમી રહ્યા હતા. ફિલ્ડિંગ કરતી વખતે માથામાં બોલ વાગતાં તેનું ઘટનાસ્થળે જ મોત થયું હતું.
વસીમ રાજા
- 23 ઓગસ્ટ 2006ના રોજ પાકિસ્તાનના ખેલાડી વસીમ રાજા ઈંગ્લેન્ડમાં મેચ રમી રહ્યા હતા, જ્યાં તેમને મેદાનમાં હાર્ટ એટેક આવ્યો. આ પછી તેને બચાવી ન શકાયો અને હોસ્પિટલમાં તેનું મૃત્યુ થયું.
ડેરેન રેન્ડલ
- 27 ઓક્ટોબર 2013એ દક્ષિણ આફ્રિકાના ખેલાડી ડેરેન રેન્ડલ ઈસ્ટર્ન કપમાં રમી રહ્યો હતો. મેચ દરમિયાન તેને માથા પર બોલ વાગ્યો હતો, જેના કારણે તેણે જીવ ગુમાવ્યો હતો.
ફિલિપ હ્યુજીસ
- 27 નવેમ્બર 2014એ ઓસ્ટ્રેલિયાના દિગ્ગજ બેટ્સમેન ફિલિપ હ્યુજીસનું બેટિંગ દરમિયાન બાઉન્સર બોલથી મોત થયું હતું. બાઉન્સર બોલ સીધો તેના માથા પર વાગ્યો. હેલ્મેટ હોવા છતાં તેણે મેદાનમાં જીવ ગુમાવ્યો હતો. આનાથી ક્રિકેટ ચાહકો ચોંકી ગયા હતા.
રેમન્ડ વાન શુર
- 20 નવેમ્બર 2015 દક્ષિણ આફ્રિકાના ખેલાડી રેમન્ડ વેન શુર નામીબીયામાં રમાયેલી આ મેચમાં સ્ટ્રોકને કારણે જીવ ગુમાવ્યો હતો.
