- એશિયા કપ 2023ની ત્રીજી સુપર-4 મેચ રવિવારે રમાશે
- વિરાટ કોહલીએ શ્રીલંકાના ખેલાડીને ટિપ્સ આપી
- BCCIએ ટ્વિટર પર કોહલીનો વીડિયો શેર કર્યો છે
ભારતીય ટીમ હાલમાં કોલંબોમાં છે. એશિયા કપ 2023ની ત્રીજી સુપર-4 મેચ રવિવારે ભારત અને પાકિસ્તાન વચ્ચે રમાશે. આ પહેલા વિરાટ કોહલીએ શ્રીલંકાના યુવા ખેલાડીઓને ટિપ્સ આપી હતી. ભારતીય ક્રિકેટ કંટ્રોલ બોર્ડ દ્વારા કોહલીનો એક વીડિયો શેર કરવામાં આવ્યો છે. ફેન્સેને આ વીડિયો ખૂબ પસંદ આવ્યો છે. કોહલી પ્રેક્ટિસ દરમિયાન ખેલાડીઓને મળ્યા હતા. આ દરમિયાન એક ખેલાડીએ કોહલીને સિલ્વર બેટ ભેટમાં આપ્યું હતું.
કોહલીને સિલ્વર બેટ ભેટમાં મળ્યું
વાસ્તવમાં BCCIએ X (Twitter) પર એક વીડિયો શેર કર્યો છે. જેમાં કોહલી શ્રીલંકાના યુવા ખેલાડીઓને ટિપ્સ આપતા જોવા મળે છે. વીડિયોમાં શ્રીલંકાના એક ખેલાડીએ કોહલીની પ્રશંસા કરી હતી. આ વીડિયો ફેન્સની બહુ સારી પ્રતિક્રિયા જોવા મળી રહી છે. લાખો લોકોએ આ વીડિયોને લાઈક્સ આપી છે તેમજ અલગ-અલગ પ્રતિક્રિયા આપી રહ્યા છે. રસપ્રદ વાત એ છે કે સોશિયલ મીડિયા પર એક ફોટો શેર કરવામાં આવ્યો છે. જેમાં શ્રીલંકન ખેલાડી કોહલીને સિલ્વર બેટ ગિફ્ટ કરતો જોવા મળી રહ્યો છે.
ઉલ્લેખનીય છે કે કોહલીએ પાકિસ્તાન સામેની મેચ પહેલા ઘણી પ્રેક્ટિસ કરી હતી. પાકિસ્તાન સામેની છેલ્લી મેચમાં તે કંઈ ખાસ કરી શક્યા નહોતા. પરંતુ હવે તે સુપર ફોરની મેચમાં ભારત માટે મહત્વની ભૂમિકા ભજવી શકે છે. કોહલી ત્રીજા નંબરે બેટિંગ કરશે. રોહિત શર્મા અને શુભમન ગિલ ઓપનિંગ કરશે. ભારતને સારી શરૂઆત અપાવવા માટે આ બંનેની જરૂર પડશે. પાકિસ્તાન પાસે મજબૂત બોલિંગ આક્રમણ છે, જે ભારત માટે મુશ્કેલી ઉભી કરી શકે છે. પાકિસ્તાન બાદ ટીમ ઈન્ડિયા શ્રીલંકા અને બાંગ્લાદેશ સામે મેચ રમશે. તેણે સુપર ફોરમાં કુલ ત્રણ મેચ રમવાની છે. એશિયા કપ 2023ની ફાઇનલ મેચ 17 સપ્ટેમ્બરે રમાશે.
