- T20 વર્લ્ડકપ 2024ની શરૂઆત 2 જૂનથી થશે
- ભારત પોતાના અભિયાનની શરૂઆત 5 જૂનથી કરશે
- વર્લ્ડકપની ન્યુ જર્સીમાં જોવા મળ્યા ભારતીય ખેલાડીઓ
T20 વર્લ્ડકપ 2024નું કાઉન્ટડાઉન શરૂ થઈ ગયું છે. ટુર્નામેન્ટ 2 જૂનથી શરૂ થશે. પહેલા જ દિવસે 2 મેચ રમાશે. પ્રથમ મેચમાં યુએસએનો મુકાબલો કેનેડા અને બીજી મેચમાં વેસ્ટ ઈન્ડિઝનો મુકાબલો પપુઆ ન્યૂ ગીની સામે થશે. ભારતીય ટીમ 5 જૂનથી વર્લ્ડકપ અભિયાનની શરૂઆત કરશે. આ દિવસે રોહિત શર્માની સેના આયર્લેન્ડ સામે ટકરાશે. તાજેતરમાં જ ટુર્નામેન્ટ માટે ભારતીય ટીમની ન્યુ જર્સી જાહેર કરવામાં આવી હતી.
ન્યુ જર્સીમાં જોવા મળ્યા ભારતીય ખેલાડીઓ
હવે ભારતીય ક્રિકેટ કંટ્રોલ બોર્ડ (BCCI)એ સોશિયલ મીડિયા પર એક વીડિયો શેર કર્યો છે. આ વીડિયોમાં ભારતીય ટીમમાં સામેલ તમામ ખેલાડીઓ ન્યૂ જર્સીમાં જોવા મળી રહ્યા છે. વીડિયોમાં ભારતીય કેપ્ટન રોહિત શર્મા, વાઇસ કેપ્ટન હાર્દિક પંડ્યા, વિરાટ કોહલી અને સૂર્યકુમાર યાદવ સહિત ઘણા ખેલાડીઓ જોવા મળી રહ્યા છે. વર્લ્ડકપ માટે રિઝર્વ પ્લેયર રિંકુ સિંહ અને શુભમન ગિલ પણ આ વીડિયોમાં જોઈ શકાય છે.
20 ટીમો વચ્ચે થશે મુકાબલો
T20 વર્લ્ડકપ 2024માં 20 ટીમો વચ્ચે ટક્કર થશે. તમામ ટીમોને દરેક 5ના 4 ગ્રુપમાં વહેંચવામાં આવી છે. આ ટુર્નામેન્ટ રાઉન્ડ રોબિન ફોર્મેટમાં રમાશે. ભારતીય ટીમને ગ્રુપ Aમાં રાખવામાં આવી છે. ટીમ ઈન્ડિયા ઉપરાંત આ ગ્રુપમાં પાકિસ્તાન, આયરલેન્ડ, કેનેડા અને યુએસએ સામેલ છે. આ વખતે ટૂર્નામેન્ટ અમેરિકા અને વેસ્ટ ઈન્ડિઝ દ્વારા સંયુક્ત રીતે યોજવામાં આવી રહી છે.
વર્લ્ડકપ માટે ભારતીય ટીમ
રોહિત શર્મા (કેપ્ટન), હાર્દિક પંડ્યા, યશસ્વી જયસ્વાલ, વિરાટ કોહલી, સૂર્યકુમાર યાદવ, રિષભ પંત, સંજુ સેમસન, શિવમ દુબે, રવિન્દ્ર જાડેજા, અક્ષર પટેલ, કુલદીપ યાદવ, યુઝવેન્દ્ર ચહલ, અર્શદીપ સિંહ, જસપ્રિત બુમરાહ, મોહમ્મદ. સિરાજ.
રિઝર્વ ખેલાડી: શુભમન ગિલ, રિંકુ સિંહ, ખલીલ અહેમદ, આવેશ ખાન.
