અનુષ્કા કે વામિકા-અકાય નહીં, વિરાટના ફોનની સ્ક્રિન પર છે આ ખાસ તસવીર

• ટીમ ઈન્ડિયાના રોડ શોમાં વિરાટ કોહલીએ ભારે ધૂમ મચાવી
  
• રોડ શો દરમિયાન કોહલીએ જોર જોરથી વંદે માતરમ ગાયું
• કોહલીના મોબાઈલ ફોનની સ્ક્રીન પર ખાસ વ્યક્તિની તસવીર દેખાઈ

ટીમ ઈન્ડિયાના રોડ શોમાં વિરાટ કોહલીએ ભારે ધૂમ મચાવી હતી. બધાની નજર કિંગ કોહલી પર ટકેલી હતી. રોડ શો દરમિયાન કોહલીએ જોર જોરથી વંદે માતરમ ગાયું, આ દરમિયાન વિરાટની એનર્જી જોઈને એવું લાગી રહ્યું હતું કે તે કોઈ 18 વર્ષનો યુવાન છોકરો છે.

લંડન જવા રવાના થયો વિરાટ

રોડ શો અને ટીમ ઈન્ડિયાના અભિવાદન સમારોહ બાદ વિરાટ કોહલી એરપોર્ટ પર જોવા મળ્યો, કોહલીને તેના પરિવારને મળવા લંડન જવું પડ્યું. એરપોર્ટ પરથી વિરાટ કોહલીના મોબાઈલ ફોનની સ્ક્રીનની એક તસવીર ખૂબ જ ઝડપથી વાયરલ થઈ રહી છે. કોહલીના મોબાઈલ ફોનની સ્ક્રીન પર અનુષ્કા, વામિકા કે અકાયમાંથી કોઈ નહીં, પરંતુ કોઈ ખાસ વ્યક્તિની તસવીર દેખાઈ રહી છે.

વિરાટની ફોન સ્ક્રીન પર ખાસ તસવીર

લોકો વિરાટ કોહલીની એક ઝલક મેળવવા માટે ઉત્સુક છે. કોહલી જ્યારે પણ એરપોર્ટ પર જોવા મળે છે ત્યારે તેની તસવીરો, તેનો લુક અને હેર સ્ટાઈલ ખૂબ વાયરલ થઈ જાય છે. આ વખતે જ્યારે કોહલી મુંબઈ એરપોર્ટ પર જોવા મળ્યો હતો, ત્યારે તેના મોબાઈલ ફોનની સ્ક્રીનની તસવીર ખૂબ જ ચર્ચાનો વિષય બની છે.

સોશિયલ મીડિયા પર એક તસવીર વાયરલ થઈ રહી છે જેમાં દાવો કરવામાં આવી રહ્યો છે કે નીમ કરોલી બાબાની તસવીર વિરાટ કોહલીના મોબાઈલ ફોનની સ્ક્રીન પર છે. જે હવે સોશિયલ મીડિયા પર ખૂબ જ ઝડપથી વાયરલ થઈ રહ્યો છે. ઘણીવાર એવું જોવા મળે છે કે વિરાટ કોહલી જ્યારે પણ ક્રિકેટમાંથી બ્રેક લે છે ત્યારે તે પોતાના પરિવાર સાથે તીર્થ સ્થાનો પર જાય છે. કોહલીએ નીમ કરોલી બાબાના દરબાર અને વૃંદાવનના પ્રેમાનંદ મહારાજના આશ્રમની પણ મુલાકાત લીધી છે.

પરિવારને મળવા ગયો કિંગ કોહલી

મુંબઈમાં રોડ શો પૂરી કર્યા બાદ વિરાટ કોહલી લંડન જવા રવાના થયો હતો. વિરાટ કોહલી લંડનમાં અનુષ્કા શર્મા, વામિકા અને અકાયને મળવા ગયો છે. વિરાટ કોહલીએ વર્લ્ડકપ ફાઈનલ બાદ T20 ઈન્ટરનેશનલ ક્રિકેટમાંથી નિવૃત્તિની જાહેરાત કરી હતી. જે બાદ હવે કોહલી ક્રિકેટમાંથી બ્રેક પર છે. ચાહકો હવે કોહલીને માત્ર ODI અને ટેસ્ટ ક્રિકેટમાં રમતા જોશે.