- ઓસ્ટ્રેલિયાની ટીમના સ્ટાર ફાસ્ટ બોલર મિચેલ સ્ટાર્ક અને કેપ્ટન પેટ કમિન્સે આ હરાજીમાં ધૂમ મચાવી હતી
- ભારતીય ડોમેસ્ટિક ક્રિકેટરો પણ કોઈથી પાછળ રહ્યા નથી
- ચેન્નાઈએ સમીરને રૂ. 20 લાખની બેઝ પ્રાઈઝ સાથે ખરીદવાની પહેલી બોલી લગાવી
ઇન્ડિયન પ્રીમિયર લીગ (IPL) 2024 માટે મિની હરાજી મંગળવારે (19 ડિસેમ્બર) દુબઈમાં થઈ હતી. એક તરફ ઓસ્ટ્રેલિયાની ટીમના સ્ટાર ફાસ્ટ બોલર મિચેલ સ્ટાર્ક અને કેપ્ટન પેટ કમિન્સે આ હરાજીમાં ધૂમ મચાવી હતી. બીજી તરફ ભારતીય ડોમેસ્ટિક ક્રિકેટરો પણ કોઈથી પાછળ રહ્યા નથી. જેમાં શુભમ દુબે સહિત ઘણા ખેલાડીઓ હતા. પરંતુ તેમની વચ્ચે ઉત્તર પ્રદેશના સમીર રિઝવીએ પણ તોફાન મચાવ્યું હતું. IPLની હરાજીમાં સમીરને ખરીદવા માટે મહેન્દ્ર સિંહ ધોનીની આગેવાની હેઠળની ગુજરાત ટાઇટન્સ (GT) અને ચેન્નાઇ સુપર કિંગ્સ (CSK) વચ્ચે જોરદાર ટક્કર થઇ હતી.
આ રીતે CSKનો ગુજરાત અને દિલ્હી સાથે મુકાબલો થયો હતો
ચેન્નાઈએ સમીરને રૂ. 20 લાખની બેઝ પ્રાઈઝ સાથે ખરીદવાની પહેલી બોલી લગાવી હતી. આ પછી તેમનો સામનો ગુજરાતની ટીમ સાથે થયો હતો. શુભમન ગીલની કપ્તાનીમાં ગુજરાતે 7.40 કરોડની છેલ્લી બોલી લગાવી અને પછી બહાર નીકળી ગયા. પરંતુ આ પછી દિલ્હી કેપિટલ્સનો પ્રવેશ થયો. દિલ્હીએ પણ બે વાર બોલી લગાવી અને પછી તેણે પણ હાર સ્વીકારી. આ રીતે ગુજરાત અને દિલ્હી સાથેની લડાઈ બાદ આખરે ચેન્નાઈની ટીમનો વિજય થયો હતો. અંતે ચેન્નાઈની ટીમે સમીરને 8.40 કરોડની બોલી લગાવીને ખરીદ્યો.
આ કારણોસર સમીરને ખરીદવા માટે મોટી રકમ ખર્ચી હતી.
20 વર્ષના સમીરની સરખામણી સુરેશ રૈના સાથે કરવામાં આવે છે. તે મેરઠનો રહેવાસી છે. સમીરે વર્તમાન ડોમેસ્ટિક ક્રિકેટ સીઝન અને ઉત્તર પ્રદેશ ટી20 લીગમાં બેટથી તબાહી મચાવી હતી. સમીરે UP T20 લીગની 9 ઇનિંગ્સમાં 455 રન બનાવ્યા હતા અને ત્રીજો ટોપ સ્કોરર હતો. તેણે 47 બોલમાં લીગની સૌથી ઝડપી સદી પણ ફટકારી અને ટૂર્નામેન્ટમાં કુલ 35 છગ્ગા પણ ફટકાર્યા.
યુપી ટી20 લીગ બાદ સમીરે અંડર-23 ટ્રોફીમાં પણ તોફાની શૈલીમાં બેટિંગ કરી
યુપી ટી20 લીગ બાદ સમીરે અંડર-23 ટ્રોફીમાં પણ તોફાની શૈલીમાં બેટિંગ કરી હતી. આ ટૂર્નામેન્ટમાં તેણે 7 મેચ રમી હતી, જેમાં તેણે 6 ઇનિંગ્સમાં 37 સિક્સ ફટકારીને કુલ 454 રન બનાવ્યા હતા. આ પ્રદર્શનના આધારે આઈપીએલ સ્કાઉટે ભૂતપૂર્વ ભારતીય ક્રિકેટર અભિનવ મુકુંદને કહ્યું હતું કે સમીર જમણેરી સુરેશ રૈના છે. આ જ કારણ છે કે CSKએ આટલી મોટી રકમ ખર્ચીને સમીરને ખરીદ્યો છે.
