- કોલકાતા નાઈટ રાઈડર્સે મુંબઈ ઈન્ડિયન્સને 24 રનથી હરાવ્યું
- આ મેચમાં MIના પૂર્વ કેપ્ટન રોહિતને પ્લેઇંગ 11માં જગ્યા ના મળી
- પીઠ દર્દના કારણે રોહિત શર્મા ઈમ્પેક્ટ પ્લેયર તરીકે રમ્યો હતો
IPL 2024ની 51મી મેચમાં શુક્રવારે કોલકાતા નાઈટ રાઈડર્સે મુંબઈ ઈન્ડિયન્સને 24 રનથી હરાવ્યું હતું. આ મેચમાં MIના પૂર્વ કેપ્ટન રોહિત શર્માને પ્લેઇંગ 11માં જગ્યા મળી નથી. તે ઈમ્પેક્ટ પ્લેયર તરીકે બેટિંગ કરવા આવ્યો હતો. આવી સ્થિતિમાં હવે ટીમના અનુભવી સ્પિનર પીયૂષ ચાવલાએ ખુલાસો કર્યો છે કે રોહિત શર્માને પ્લેઈંગ 11માં શા માટે જગ્યા નથી મળી. પીયૂષ ચાવલાએ કહ્યું કે તેની પીઠ થોડી જકડાઈ જવાને કારણે રોહિત શર્મા ઈમ્પેક્ટ પ્લેયર તરીકે રમ્યો હતો.
ના ચાલ્યો રોહિતનો બલ્લો
મેચમાં રોહિત શર્માનું પ્રદર્શન કંઈ ખાસ રહ્યું ન હતું. તેણે 12 બોલમાં 1 સિક્સરની મદદથી 11 રન બનાવ્યા હતા. સુનીલ નારાયણે ફરી એકવાર તેને પોતાનો શિકાર બનાવ્યો. રોહિત શર્માનું બેટ છેલ્લી કેટલીક મેચોમાં શાંત રહ્યું છે. તેણે લખનઉ સુપર જાયન્ટ્સ સામે 4, દિલ્હી કેપિટલ્સ સામે 8, રાજસ્થાન રોયલ્સ સામે 6 અને પંજાબ કિંગ્સ સામે 36 રન બનાવ્યા હતા. રોહિત શર્માએ અત્યાર સુધી રમાયેલી 11 મેચોમાં 32.60ની એવરેજ અને 154.50ની સ્ટ્રાઈક રેટથી 326 રન બનાવ્યા છે. આ દરમિયાન તેણે 1 સદી પણ ફટકારી છે.
મેચની સ્થિતિ
મેચની વાત કરીએ તો ટોસ હાર્યા બાદ પ્રથમ બેટિંગ કરવા આવેલી કોલકાતા નાઈટ રાઈડર્સની ટીમ 169 રનમાં ઓલઆઉટ થઈ ગઈ હતી. વેંકટેશ અય્યરે સૌથી વધુ 70 રન બનાવ્યા હતા. તેના સિવાય મનીષ પાંડેએ 31 બોલમાં 42 રનની ઇનિંગ રમી હતી. મુંબઈ ઈન્ડિયન્સ તરફથી જસપ્રિત બુમરાહ અને નુવાન તુશારાને 3-3 સફળતા મળી હતી. જ્યારે કેપ્ટન હાર્દિક પંડ્યાએ 2 વિકેટ લીધી હતી. જવાબમાં MI 18.5 ઓવરમાં 145 રન જ બનાવી શકી હતી. સૂર્યકુમાર યાદવ સિવાય અન્ય કોઈ બેટ્સમેન કંઈ ખાસ કરી શક્યો નહોતો. આકાશે 35 બોલમાં 56 રનની ઇનિંગ રમી હતી.
