પાકિસ્તાન મહિલા ક્રિકેટરની અદભૂત ફિલ્ડિંગ, ફેન્સ જોઈને રહી ગયા દંગ; જુઓ VIDEO

• શ્રીલંકામાંમહિલા એશિયા કપ 2024 રમાઈ રહ્યો છે
  
• 23 જુલાઈના રોજ પાકિસ્તાન અને UAE વચ્ચે મેચ રમાઈ
• પાકિસ્તાનની સૈયદા અરુબની ફિલ્ડિંગ ચર્ચાનો વિષય બની

શ્રીલંકામાં આ દિવસોમાં મહિલા એશિયા કપ 2024 રમાઈ રહ્યો છે. ટૂર્નામેન્ટમાં 23 જુલાઈના રોજ પાકિસ્તાન અને UAE વચ્ચે મેચ રમાઈ હતી. પાકિસ્તાને આ મેચ જીતી હતી. આ મેચ જીતીને પાકિસ્તાન મહિલા ક્રિકેટ ટીમે પણ સેમિફાઈનલમાં પોતાનું સ્થાન નિશ્ચિત કરી લીધું છે. આ મેચમાં પાકિસ્તાનની સૈયદા અરુબની ફિલ્ડિંગ હવે ખૂબ જ ચર્ચાનો વિષય બની ગઈ છે. સૈયદાની આવી શાનદાર ફિલ્ડિંગ જોઈને ફેન્સ પણ આશ્ચર્યચકિત થઈ ગયા છે. જે બાદ ચાહકોએ સોશિયલ મીડિયા પર પાકિસ્તાનની પુરૂષ ટીમનું ઉગ્ર અપમાન કર્યું હતું.

સોશિયલ મીડિયા પર છાયા સૈયદાનો વીડિયો

યુએઈ સામે રમાયેલી મેચમાં સૈયદા જ્યારે બોલિંગ કરી રહી હતી ત્યારે તેણે પોતાના જ શાનદાર ફિલ્ડિંગ કરીને ખેલાડીને રન આઉટ કરી હતી. જેનો વીડિયો હાલ સોશિયલ મીડિયા પર વાયરલ થઈ રહ્યો છે. હવે સોશિયલ મીડિયા પર સૈયદાની આ શાનદાર ફિલ્ડિંગ જોઈને ચાહકો મેન્સ ટીમની ટીકા કરી રહ્યા છે. તેના પર ટિપ્પણી કરતા એક યુઝરે લખ્યું કે મને અંડર-19 વર્લ્ડકપમાં તેનો એક કેચ હજુ પણ યાદ છે.

પાકિસ્તાને આ મેચ 10 વિકેટે જીતી લીધી હતી

આ મેચમાં પ્રથમ બેટિંગ કરતા UAEની ટીમ 20 ઓવરમાં 8 વિકેટ ગુમાવીને 103 રન બનાવી શકી હતી. જે બાદ પાકિસ્તાને આ સ્કોર 14.1 ઓવરમાં કોઈ વિકેટ ગુમાવ્યા વિના હાંસલ કરી લીધો હતો. આ મેચ જીતીને પાકિસ્તાનની ટીમ સેમિફાઈનલમાં પહોંચી ગઈ છે.