RCBમાં ધાકડ ખેલાડીની થઈ એન્ટ્રી, આગામી સિઝનમાં મચાવશે ધૂમ

ભારતમાં IPL 2025 મેગા ઓક્શન વિશે ચર્ચા ચાલી રહી છે, કારણ કે ખેલાડીઓની રીટેન્શન લિસ્ટ સબમિટ કરવાની અંતિમ તારીખ (31મી ઓક્ટોબર) માટે માત્ર થોડા કલાકો બાકી છે. દરેકના મનમાં એ જાણવાની ઈચ્છા છે કે કયા ખેલાડીઓને રિટેન કરવામાં આવશે અને કોને રિલીઝ કરવામાં આવશે.

વિમેન્સ પ્રીમિયર લીગ પણ ધૂમ મચાવવા તૈયાર છે અને રોયલ ચેલેન્જર્સ બેંગ્લોરે ઈંગ્લેન્ડની સ્ટાર ઓપનર ડેની વ્યાટને ટ્રેડ દ્વારા પોતાની ટીમમાં સામેલ કરી છે. ડેની વ્યાટે હજુ સુધી લીગમાં ડેબ્યુ કર્યું નથી પરંતુ તેને ટી20 નિષ્ણાત બેટ્સમેન માનવામાં આવે છે.

ડેની વ્યાટ RCBનો બની ભાગ

મહિલા પ્રીમિયર લીગની શરૂઆત 2023માં થઈ હતી અને ઈંગ્લેન્ડના ડેની વ્યાટને તે સિઝનમાં કોઈ ટીમે ખરીધી ન હતો. આ પછી, તેણે ઘણી નિરાશા પણ વ્યક્ત કરી, કારણ કે અન્ય લીગમાં તેની માગ ઘણી વધારે છે. પરંતુ 2024 સીઝન પહેલા યોજાયેલી મીની હરાજીમાં, યુપી વોરિયર્સે તેના પર વિશ્વાસ વ્યક્ત કર્યો અને તેને 30 લાખ રૂપિયાની કિંમતમાં સામેલ કર્યો. પરંતુ આ ખેલાડીને આખી સિઝનમાં એક પણ મેચ રમવાની તક મળી ન હતી અને હવે યુપીની ટીમે તેને રોયલ ચેલેન્જર્સ બેંગ્લોર સાથે ડીલ કરી છે. આરસીબીએ ડેની વ્યાટને તેની વર્તમાન ફી સાથે જ સામેલ કરી છે.

ડબ્લ્યુપીએલ દ્વારા જાહેર કરવામાં આવેલી મીડિયા રિલીઝમાં ડેની વ્યાટના આરસીબી સાથેના ટ્રેડની ઓફિશિયલ જાહેરાત કરવામાં આવી હતી. ઈંગ્લેન્ડની આક્રમક બેટ્સમેન ડેની વ્યાટ આગામી ટાટા વુમન્સ પ્રીમિયર લીગ 2025 સીઝનમાં રોયલ ચેલેન્જર્સ બેંગ્લોરનું પ્રતિનિધિત્વ કરવા માટે તૈયાર છે.

ડેની વ્યાટની T20I કરિયર

આ રાઈટ હેન્ડ ટોપ ઓર્ડર બેટ્સમેન પાસે T20 ઈન્ટરનેશનલનો ઘણો અનુભવ છે અને તે ઈંગ્લેન્ડ માટે આ ફોર્મેટમાં સૌથી વધુ મેચ રમનાર ખેલાડી છે. ડેની વ્યાટ 164 મેચ રમેલી છે. આ દરમિયાન તેણે 2 સદી અને 16 અડધી સદીની મદદથી 2979 રન બનાવ્યા છે. બોલિંગમાં પણ 46 વિકેટ લીધી છે. આવી પરિસ્થિતિમાં આરસીબીને ડેની વ્યાટના અનુભવનો ફાયદો ચોક્કસપણે મળશે.