- પેરિસ ઓલિમ્પિકમાં અમન સેહરાવતે કુસ્તીમાં જીત્યો બ્રોન્ઝ
- પ્યુર્ટો રિકોના કુસ્તીબાજને 13-5થી હરાવીને બ્રોન્ઝ મેડલ જીત્યો
- આ સાથે ભારતને પેરિસ ઓલિમ્પિકમાં છઠ્ઠો મેડલ મળ્યો હતો
ભારતને આખરે પેરિસ ઓલિમ્પિક 2024માં કુસ્તીમાં મેડલ મળ્યો છે. વિનેશ ફોગાટને અયોગ્ય ઠેરવવામાં આવ્યા બાદ તમામની નજર અમન સેહરાવત પર હતી અને તેણે નિરાશ કર્યા ન હતા. તેની પ્રથમ ઓલિમ્પિકમાં મેન્સ 57 કિગ્રા વજન કેટેગરીમાં બ્રોન્ઝ મેડલ જીત્યો હતો. અમને બ્રોન્ઝ મેડલ મેચમાં પ્યુર્ટો રિકોના કુસ્તીબાજને એકતરફી 13-5થી હરાવીને બ્રોન્ઝ મેડલ જીત્યો અને આ રીતે ભારતને પેરિસ ઓલિમ્પિકમાં છઠ્ઠો મેડલ મળ્યો હતો. એકંદરે આ ગેમ્સમાં ભારતનો આ 5મો બ્રોન્ઝ છે.
આ મેચની શરૂઆતમાં ક્રુઝે અમનને મેટ પરથી હટાવીને પોઈન્ટ મેળવ્યો હતો. અમને વળતો પ્રહાર કર્યો અને ટૂંક સમયમાં જ તેના પર પગના હુમલાથી બે પોઈન્ટ મેળવ્યા. પ્રથમ ગાળામાં પણ આ જ કઠિન સ્પર્ધા ચાલુ રહી અને ક્રુઝે ફરીથી 3-2ની લીડ લીધી પરંતુ અમાને વાપસી કરી અને 2 પોઈન્ટ એકત્રિત કરીને 4-3ની લીડ મેળવી હતી. પ્રથમ હાફમાં ત્રણ મિનિટ આગળ રહ્યા બાદ અમને ટૂંક સમયમાં બીજા ગાળામાં પણ સ્કોર વધારીને 6-3 કરી દીધો હતો. આ પછી તેણે વધુ 7 પોઈન્ટ મેળવ્યા અને 13-5થી બ્રોન્ઝ જીત્યો હતો.
