Elon Muskની Starlinkની ભારતમાં એન્ટ્રી, સેટેલાઈટ મારફતે મળશે ઈન્ટરનેટ સેવા

એલન મસ્કની સેટેલાઈટ ઈન્ટરનેટ કંપની સ્ટારલિંકે એક મોટા વિધ્નને પાર કરીને ભારતમાં પોતાની ઈન્ટરનેટ સુવિધાઓ શરૂ કરવા માટે જરુરી લાયસન્સ મેળવી લીધુ છે. સુત્રો મારફતે શુક્રવારે આ માહિતી જાહેર કરવામાં આવી હતી. રિપોર્ટ પ્રમાણે ભારતીય ટેલિકોમ કંપનીએ સ્ટારલિંકને લાયસન્સ આપી દીધુ છે. જેનાથી કંપનીને ભારતમાં કોમર્શિયલ સેવા શરૂ કરવાનો રસ્તો સાફ થઈ ગયો છે. 

આ સાથે સ્ટારલિંક હવે દેશમાં સેટેલાઈટ ઈન્ટરનેટ સેવા માટે લાયસન્સ મેળવવા વાળી ત્રીજી કંપની બની ગઈ છે. આ પહેલા ટેલિકોમ મંત્રાલયે યુટેલસેટની વનવેબ અને રિલાયન્સ જીઓને પણ આ રીતે મંજૂરી આપી દીધી હતી.  

કેન્દ્રીય સંચાર મંત્રી જ્યોતિરાદિત્ય સિંધિયાએ  સિંધિયાએ જણાવ્યું હતું કે મોબાઈલ અને ઓપ્ટિકલ ફાઈબર કનેક્ટિવીટી સિવાય પણ સેટેલાઈટ કનેક્ટિવિટી એક મહત્વનો ભાગ ભજવે છે. ખાસ કરીને દુરના અને દુર્ગમ ક્ષેત્રોમાં જ્યાં ફિઝીકલ રૂપથી કેબલ કનેક્શન પહોંચાડવું અશક્ય છે. મંત્રીએ જણાવ્યું હતું કે સ્ટારલિંકને બ્રોડ બેન્ડ સેવાઓ માટે ત્રીજુ લાયસન્સ મળશે. તેમણે કહ્યું કે લાયસન્સ  દેશમાં આ સેવા જલ્દી શરૂ થઈ જશે.