જો તમારી પાસે આધાર કાર્ડ છે, તો યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) તરફથી એક અત્યંત ઉપયોગી અને રાહતરૂપ સમાચાર સામે આવ્યા છે. UIDAI દ્વારા આધાર કાર્ડ પર તમારું ઇમેઇલ આઈડી (Email ID) અપડેટ કરવા માટે લાગતી 75 રૂપિયાની ફી સંપૂર્ણપણે માફ કરી દેવામાં આવી છે. આ વિશેષ સુવિધા 31 ડિસેમ્બર, 2026 સુધી સંપૂર્ણપણે મફત ઉપલબ્ધ રહેશે. આ નિર્ણયનો હેતુ નાગરિકોને તેમની સંપર્ક વિગતો સરળતાથી અપડેટ રાખવા માટે પ્રોત્સાહિત કરવાનો છે.
કઈ સેવા સંપૂર્ણપણે મફત છે?
જો તમારું ઇમેઇલ આઈડી બદલાઈ ગયું છે અથવા તમે અગાઉ તેને આધાર સાથે લિંક કર્યું ન હતું, તો તમે હવે ઘરે બેઠા તમારા મોબાઈલ ફોન દ્વારા તેને મફતમાં અપડેટ કરી શકો છો. સમયસર ઇમેઇલ લિંક હોવાથી નાગરિકોને સરકારી યોજનાઓની માહિતી, મહત્વપૂર્ણ એલર્ટ અને ઓટીપી (OTP) મેળવવામાં સરળતા રહે છે. ધ્યાનમાં રાખવા જેક વાત એ છે કે આ 75 રૂપિયાની છૂટ માત્ર આધાર મોબાઇલ એપ્લિકેશન દ્વારા ઇમેઇલ આઈડી અપડેટ કરવા પર જ લાગુ પડે છે.
મોબાઇલ એપ દ્વારા ઇમેઇલ આઈડી અપડેટ કરવાની પ્રક્રિયા
તમે ખૂબ જ સરળ સ્ટેટસ દ્વારા આધાર એપમાં તમારું ઇમેઇલ આઈડી જોડી શકો છો:
1. તમારા સ્માર્ટફોનમાં Google Play Store અથવા Apple App Store પરથી સત્તાવાર mAadhaar અથવા સત્તાવાર આધાર એપ્લિકેશન ડાઉનલોડ કરો.
2. એપ ખોલો અને તમારા આધાર નંબર અથવા લોગિન ઓળખપત્રો દાખલ કરીને સુરક્ષિત રીતે લોગ ઇન કરો.
3. હોમ સ્ક્રીન પર આપેલી સર્વિસમાંથી 'Update Email ID' અથવા સંબંધિત વિકલ્પ પસંદ કરો.
4. હવે તમારું સાચું અને નવું ઇમેઇલ આઈડી દાખલ કરો.
5. તમારા રજિસ્ટર્ડ મોબાઈલ નંબર અને નવા ઇમેઇલ પર પ્રાપ્ત થયેલ OTP (વન ટાઈમ પાસવર્ડ) દાખલ કરીને વેરિફિકેશન પૂર્ણ કરો.
શું આધારમાં બધું જ મફત અપડેટ થશે?
ના, આ ફી માફી ફક્ત ઇમેઇલ આઈડી અપડેટ કરવા પૂરતી જ મર્યાદિત છે. જો તમે નામ, જન્મતારીખ, લિંગ અથવા અન્ય બાયોમેટ્રિક વિગતો બદલવા માંગ છો, તો તેના માટે નિયમિત નિયમો અને નિર્ધારિત ફી લાગુ પડશે. આ ઉપરાંત, myAadhaar પોર્ટલ દ્વારા ઓળખ અને સરનામાના પુરાવાઓ ઓનલાઈન અપડેટ કરવાની મફત સેવા માટેની અંતિમ તારીખ પણ લંબાવીને 14 જૂન, 2027 કરવામાં આવી છે.
આ પણ વાંચોઃ Bank Data Leak: SBI થી લઇને ICICI બેંકના ખાતેદાર પર ખતરો! બેંકના ડેટા આખરે કઇ રીતે થાય છે લીક?
