Reliance જિયોએ પોતાના ₹3,599ના વાર્ષિક પ્રીપેડ પ્લાન પર ખાસ એનિર્વસરી ઓફર રજૂ કરી છે. આ ઓફર હેઠળ ગ્રાહકોને હવે 120GB વધારાનો હાઈ-સ્પીડ ડેટા અને 12 JioTV Pro પેક વાઉચર મળશે. આ પ્લાનમાં 365 દિવસની વેલિડિટી સાથે દરરોજ 2.5GB ડેટા પહેલાની જેમ જ મળશે. આ ઉપરાંત JioHotstar, Google AI Pro અને Jio AI Cloud જેવા ફાયદા પણ મળશે.
આખા વર્ષમાં મળશે 1,032.5GB સુધી ડેટા
₹3,599નો Jio પ્લાન 365 દિવસની વેલિડિટી સાથે આવે છે. તેમાં દરરોજ 2.5GB હાઈ-સ્પીડ ડેટા મળે છે. એટલે કે આખા વર્ષમાં કુલ 912.5GB ડેટા મળે છે. આ સાથે અનલિમિટેડ વોઇસ કોલિંગ અને દરરોજ 100 SMSની સુવિધા પણ મળે છે. ડેઇલી ડેટા પૂરો થયા બાદ ઈન્ટરનેટની સ્પીડ 64 Kbps સુધી થઈ જાય છે. યોગ્ય ગ્રાહકોને અનલિમિટેડ 5G ડેટા પણ મળે છે. તેના માટે 5G ફોન, Jio 5G કવરેજ અને Jioની જરૂરી શરતો પૂરી કરવી પડશે. એનિર્વસરી ઓફરમાં 120GB વધારાનો ડેટા મળવાથી કુલ ડેટા 1,032.5GB સુધી થઈ શકે છે.
દર મહિને મળશે 10GB બોનસ ડેટા
Jio 120GB બોનસ ડેટાને 12 મહિના માટે દર મહિને 10GBના ડેટા બૂસ્ટર તરીકે આપી રહ્યું છે. આ બોનસ ડેટા દરરોજ મળતા 2.5GB ડેટાથી અલગ રહેશે. દર મહિને મળતો ડેટા બૂસ્ટર કેવી રીતે એક્ટિવેટ કરવો અને તેની વેલિડિટી કેટલી છે, તેની માહિતી માટે ગ્રાહકોએ MyJio એપ ચેક કરવી પડશે. આ એનિર્વસરી પેકેજમાં 12 JioTV Pro પેક વાઉચર પણ મળશે. એક વાઉચરની કિંમત ₹55 છે. JioTV Pro દ્વારા 1,000થી વધુ ટીવી ચેનલો જોઈ શકાય છે.
Google AI Pro સહિત અનેક ફાયદા
₹3,599ના પ્લાનમાં JioHotstar Mobile + Hollywood સબ્સ્ક્રિપ્શન પણ સામેલ છે. તેનો ઉપયોગ કરવા માટે ગ્રાહકોએ જે Jio નંબરથી રિચાર્જ કર્યું હોય, એ જ નંબરથી JioHotstarમાં સાઇન ઇન કરવું પડશે. આ ઉપરાંત 50GB Jio AI Cloud સ્ટોરેજ પણ મળશે.
Google AI Proનું 18 મહિનાનું સબ્સ્ક્રિપ્શન
યોગ્ય Jio ગ્રાહકો 18 મહિનાનું Google AI Pro સબ્સ્ક્રિપ્શન ક્લેમ કરી શકે છે. Jioના જણાવ્યા મુજબ તેની કિંમત ₹35,100 છે. તેમાં Geminiના વધુ સારા ફીચર્સ અને 5TB ક્લાઉડ સ્ટોરેજનો સમાવેશ થાય છે. આ ઉપરાંત EaseMyTrip પર ફ્લાઇટ બુકિંગમાં ₹2,200 સુધીની અને AJIO પર યોગ્ય ખરીદીમાં ₹200 સુધીની છૂટ પણ મળી શકે છે. ઓફર દરેક નંબર માટે અલગ હોઈ શકે છે. તેથી રિચાર્જ કરતા પહેલાં MyJio એપ અથવા Jioની વેબસાઇટ પર ઓફરની માહિતી ચેક કરવી યોગ્ય રહેશે.
આ પણ વાંચો: Jio Financial Servicesનું દમદાર પ્રદર્શન, જૂન ત્રિમાસિકમાં નફામાં 156%નો તગડો વધારો
