ક્યારેક તમે એવી જગ્યાએ હોવ છો જ્યાં તમારો ફોન Wi-Fiથી કનેક્ટ થાય છે, પરંતુ તમને પાસવર્ડ ખબર નથી. આવી સ્થિતિમાં, જો કોઈ Wi-Fiથી કનેક્ટ થવા માટે પાસવર્ડ માંગે છે, તો ચિંતા ના કરો તમે પાસવર્ડ જાણ્યા કે જણાવ્યા વગર પણ Wi-Fi શેર કરી શકો છો તેના માટે કેટલીક રીતો જણાવવા જઈ રહ્યા છીએ. આ પદ્ધતિઓ તમારા કામને પણ સરળ બનાવશે.
ફોનનું Wi-Fi શેરિંગ ઓપ્શન
ઘણા ફોનમાં બિલ્ટ-ઇન Wi-Fi શેરિંગ ઓપ્શન હોય છે. જો તમે Android ફોનનો ઉપયોગ કરી રહ્યા છો, તો કનેક્ટેડ Wi-Fi નેટવર્ક પર ટેપ કરો અને શેર ઓપ્શન પર ક્લિક કરો. આ પછી, તમારા ફોનમાં એક QR કોડ જનરેટ થશે, જેને સ્કેન કરીને તમારા મિત્રો Wi-Fi નેટવર્ક સાથે કનેક્ટ થઈ શકશે.
આઈફોન પર પણ છે સરળ પદ્ધતિ
જો તમે iPhone યૂઝર છો અને બીજા iPhone યૂઝર સાથે તમારો પાસવર્ડ શેર કરવા માંગતા હો, તો બંને ડિવાઈસને આજુબાજુમાં મૂકો. પછી, બ્લૂટૂથ ચાલુ કરો અને તમારા Wi-Fi સેટિંગ્સને ખોલો. જ્યારે બીજું ડિવાઇસ કનેક્ટ થવા માંગે છે, ત્યારે તમારા iPhone પર એક પોપ-અપ મેસેજ દેખાશે, જેમાં શેર પર ક્લિક કરતા જ બીજું ડિવાઇસ Wi-Fi થી કનેક્ટ થઈ જશે.
QR કોડ કરી લો જનરેટ
જો તમને વારંવાર તમારો Wi-Fi પાસવર્ડ દાખલ કરવો પડે છે, તો તમે તેનાથી છુટકારો મેળવી શકો છો. ઘણી મફત વેબસાઇટ્સ અને એપ્લિકેશન્સ Wi-Fi QR કોડ જનરેટ કરવાનો ઓપ્શન આપે છે. આ વેબસાઇટ્સની મુલાકાત લો અને તમારા નેટવર્કનું નામ અને પાસવર્ડ દાખલ કરો. ત્યારબાદ એક QR કોડ જનરેટ થશે. જરૂર પડ્યે તમે Wi-Fiથી કનેક્ટ થવા માટે તેને સ્કેન કરી શકો છો.
હોટસ્પોટથી પણ થઈ જશે કામ
જો તમે તમારો Wi-Fi પાસવર્ડ કોઈની સાથે શેર કરવા માંગતા નથી, તો તમારા ફોનનો હોટસ્પોટ પણ કામ કરશે. આ માટે એક સરળ પાસવર્ડ સેટ કરો. જ્યારે તમને જરૂર હોય ત્યારે તમે તેને બંધ કરી શકો છો. આ તમારા Wi-Fi ને સંપૂર્ણપણે ખાનગી રાખશે.
આ પણ વાંચો: Credit Card ઓવરલિમિટ ચાર્જ પર RBIની કડક ગાઇડલાઇન, ગ્રાહકોને આપી રાહત
