Artificial intelligenceની આ અદ્ભુત શક્તિએ આખા વિશ્વને ચોંકાવી મૂક્યું

માનવ નિર્મિત AI હવે માણસ કરતાં પણ દરેક કદમે ચડિયાતું બની રહ્યું છે. AI હવે એટલું શક્તિશાળી બની ગયુંછે કે AI અદ્યતન નાણાકીય વિશ્લેષણને ગણતરીની સેકંડોમાં એકદમ સરળતાથી રજુ કરી શકે છે.

AI મોડેલે CFA પરીક્ષા પાસ કરી

ભારતના શિક્ષણ માળખામાં CFA એટલે કે ચાર્ટર્ડ ફાઇનાન્સિયલ એનાલિસ્ટ લેવલ 3 પરીક્ષા અઘરી પરિક્ષાઓમાંથી એક માનવામાં આવે છે, પરંતુ આ પરીક્ષા AI મોડેલ માટે કદાચ રમતવાત સાબિત થઈ છે કેમ કે એક મીડિયા રિપોર્ટ્સ અનુસાર, AI મોડેલે CFA એટલે કે ચાર્ટર્ડ ફાઇનાન્સિયલ એનાલિસ્ટ લેવલ 3 પરીક્ષા પાસ કરી છે, જેને વિશ્વની સૌથી અઘરી નાણાકીય પરીક્ષા માનવામાં આવે છે.

માનવ માટે લાગે છે વર્ષોની સખત મહેનત

આ નાણાકીય વિષય વિષય સાથે સંકળાયેલા નિષ્ણાતોના મત મુજબ એક સામાન્ય માણસને આ પરીક્ષામાં સફળ થવા માટે વર્ષોની સખત મહેનત અને 1,000 કલાકથી વધુ અભ્યાસની જરૂર પડે છે પરંતુ આજ બાબતમાં સૌથી મોટી આશ્ચર્યની વાત એ સામે આવી છે કે જે AI મોડેલને માનવે બનાવ્યું છે તેણે આ પરીક્ષા માત્ર થોડી મિનિટોમાં પાસ કરી નાખી છે જે માનવ ઇતિહાસની એક મહાન સિદ્ધિ માંની શકાય છે.

AIએ ખાસ તકનીકોનો ઉપયોગ કર્યો

એક ન્યૂઝ એજન્સીના અહેવાલ મુજબ NYU સ્ટર્ન સ્કૂલ ઓફ બિઝનેસ અને ગુડફિનની ટીમ દ્વારા કરવામાં આવેલા એક સંશોધન મુજબ LLMs નામક AI મોડલે CFA લેવલ 3 મોક પરીક્ષા પાસ કરી છે. મળતી માહિતી મુજબ આ આધૂમિક ચેટ બોટ તરફથી આ પરીક્ષા પાસ કરવા માટે ચેઇન-ઓફ-થોટ પ્રોમ્પ્ટિંગ તકનીકોનો ઉપયોગ કર્યો હતો જે માણસો વર્ષોના અભ્યાસ પછી જ સમજી શકે છે.