- Uber એ ભારતમાં કન્કરન્ટ રાઇડ્સ નામનું નવું ફીચર લોન્ચ કર્યું
- આ ફીચરની મદદથી યુઝર્સ એક સમયે ત્રણ રાઈડ બુક કરી શકશે
- ડ્રાઇવરને સીધા રોકડમાં અથવા એપ્લિકેશન દ્વારા ચૂકવણી કરી શકશે
કેબ બુકિંગ એપ Uber એ ભારતમાં કન્કરન્ટ રાઇડ્સ નામનું નવું ફીચર લોન્ચ કર્યું છે. આ ફીચરની મદદથી યુઝર્સ એક સમયે ત્રણ રાઈડ બુક કરી શકશે. આ સુવિધાનો ઉપયોગ કરીને, વપરાશકર્તાઓ ડ્રાઇવરને સીધા રોકડમાં અથવા એપ્લિકેશન દ્વારા ચૂકવણી કરી શકશે. માહિતી અનુસાર તે ફેસ મેનરની રીતે વપરાશકર્તાઓ માટે રોલઆઉટ કરવામાં આવશે. પરંતુ હજુ સુધી આ સેવા કયા શહેરોમાં સક્રિય થશે તે અંગે કોઈ માહિતી બહાર આવી નથી.
કોંકરન્ટ રાઇડ ફીચર કેવી રીતે કામ કરશે?
આ ફીચરમાં યુઝર તેના કોઈ પણ મિત્ર કે પરિવારના સભ્યો માટે રાઈડ બુક કરે છે, ત્યારે યુઝરને તે રાઈડ વિશેની માહિતી ટેક્સ્ટ મેસેજ તેમજ વોટ્સએપ દ્વારા મળશે. ડ્રાઇવરનું નામ અને 4-અંકનો પિન રાઇડની વિગતોમાં ઉપલબ્ધ હશે. ડ્રાઇવર સાથે પિન શેર કર્યા પછી રાઇડ શરૂ થશે. કોંકરન્ટ રાઇડ ફીચર ભારત સિવાય ઘણા દેશોમાં પહેલાથી જ ચાલુ કરવામાં આવ્યું છે.
આ ઉપરાંત કંપનીએ ગયા વર્ષે ડિસેમ્બરમાં વપરાશકર્તાઓ માટે રાઉન્ડ ટ્રિપ ફીચર રોલઆઉટ કર્યું હતું. આ સુવિધા લાંબા અંતરની મુસાફરી કરનારા યુઝર્સ માટે લાવવામાં આવી હતી. આ ફીચરમાં યુઝર્સ એક જ કાર અને ડ્રાઈવરને પાંચ દિવસ માટે રાઉન્ડ ટ્રીપ માટે બુક કરી શકે છે. વ્યવસાય માટે અને વેકેશન પર આવતા લોકોને આ સુવિધાનો સૌથી વધુ લાભ મળે છે. આ સેવામાં રાહ જોવા અને ડ્રાઇવરના રહેવા માટેના ચાર્જનો સમાવેશ થશે.
OLAના ટેન્શન વધશે
ઉબેરના નવા ફીચરને કારણે ઓલાનું ટેન્શન વધવાનું છે. કારણ કે જ્યારે ઉબેરમાં, યુઝર્સ એક સમયે ત્રણ રાઈડ બુક કરી શકે છે, ઓલામાં, તાજેતરમાં, યુઝર્સ એક સમયે બે રાઈડ બુક કરી શકે છે. આ સિવાય ઓલા યુઝર્સને એક જ પેમેન્ટ પર એક જ સમયે બે બુકિંગ કરવાનો વિકલ્પ આપતું નથી. બે બુકિંગ કરવા માટે, વ્યક્તિએ વિવિધ ઓનલાઈન વિકલ્પો પસંદ કરવા પડશે અથવા રોકડ ચૂકવણી કરવી પડશે.
