જો તમે ફરવાના શોખીન છો અને સાથે જ સોનું ખરીદવાનો પણ ક્રેઝ ધરાવો છો, તો આ માહિતી તમારા માટે ખૂબ જ રસપ્રદ સાબિત થશે. ઘણા લોકો ખાસ એવા દેશોની મુસાફરી કરવાનું પસંદ કરે છે જ્યાંથી તેમને પોતાના દેશ કરતાં સસ્તું અને શુદ્ધ સોનું મળી રહે. સોનું માત્ર ઘરેણાં પૂરતું સીમિત નથી, પરંતુ તે રોકાણ, આધુનિક ટેકનોલોજી અને વૈશ્વિક અર્થતંત્રનો પણ એક મહત્વનો હિસ્સો છે.
વર્લ્ડ ગોલ્ડ કાઉન્સિલના આંકડા અનુસાર, દુનિયામાં કેટલાક એવા દેશો છે જે દર વર્ષે વિશાળ માત્રામાં સોનાનું ઉત્પાદન કરે છે અને આ ઉદ્યોગ પર પ્રભુત્વ ધરાવે છે. ચાલો જાણીએ દુનિયાના એવા ૫ ટોચના દેશો વિશે જ્યાં સોનાનો મોટો ભંડાર છે:
૧. ચીન (China)
દુનિયામાં સૌથી વધુ સોનાનું ઉત્પાદન કરવામાં ચીન પ્રથમ સ્થાને છે. આશરે ૩૮૦ ટન સોનાના ઉત્પાદન સાથે ચીન વૈશ્વિક ઉત્પાદનમાં લગભગ ૧૦ ટકા હિસ્સો ધરાવે છે. ચીનના શાનડોંગ, હેનાન અને જિયાંગ્શી જેવા વિસ્તારો મોટા પાયે સોનાના ખનન (Mining) માટે જાણીતા છે.
૨. રશિયા (Russia)
આ યાદીમાં રશિયા બીજા ક્રમે આવે છે. રશિયામાં વાર્ષિક આશરે ૩૩૦ ટન સોનું કાઢવામાં આવે છે. સાઇબેરિયા અને રશિયાના પૂર્વીય ભાગોમાં સોનાની વિશાળ ખદાનો આવેલી છે. રશિયા માટે સોનું માત્ર નિકાસનું સાધન નથી પરંતુ તેની આર્થિક રણનીતિનો એક મુખ્ય ભાગ છે.
૩. ઓસ્ટ્રેલિયા (Australia)
કુદરતી સૌંદર્યથી ભરપૂર ઓસ્ટ્રેલિયા સોનાના ઉત્પાદનમાં ત્રીજા સ્થાને છે. અહીં વાર્ષિક આશરે ૨૮૪ ટન સોનાનું ઉત્પાદન થાય છે. પશ્ચિમ ઓસ્ટ્રેલિયા આ ઉદ્યોગનું મુખ્ય કેન્દ્ર છે, અને ખાસ કરીને 'કાલગુરલી' જેવો વિસ્તાર તેની સોનાની ખદાનો માટે વિશ્વભરમાં પ્રખ્યાત છે.
૪. કેનેડા (Canada)
કેનેડા આ સૂચિમાં ચોથા સ્થાને છે, જ્યાં વાર્ષિક આશરે ૨૦૨ ટન સોનું બહાર કાઢવામાં આવે છે. ઓન્ટારિયો, ક્વિબેક, બ્રિટિશ કોલંબિયા અને નુનાવુત તેના પ્રમુખ માઇનિંગ ક્ષેત્રો છે. કેનેડામાં આધુનિક ટેકનોલોજી અને કડક નિયમોના કારણે ખાણકામ ઉદ્યોગ ખૂબ જ વિકસિત છે.
૫. અમેરિકા (USA)
અમેરિકા આ યાદીમાં પાંચમા ક્રમે છે, જ્યાં વાર્ષિક આશરે ૧૫૮ ટન સોનાનું ઉત્પાદન થાય છે. અમેરિકાનું 'નેવાડા' રાજ્ય સોનાનું સૌથી મોટું કેન્દ્ર છે, આ ઉપરાંત અલાસ્કા અને કોલોરાડોમાં પણ મોટા પાયે ખાણકામ થાય છે. વર્ષો પહેલા કેલિફોર્નિયા ગોલ્ડ રશથી શરૂ થયેલો આ ઇતિહાસ આજે પણ અકબંધ છે.
આ પણ વાંચો: Bill Gatesને લગ્ન પછી 3 મહિલા સાથે હતા લગ્નેતર સબંધ, એક રશિયન વૈજ્ઞાનિક, બીજી ખેલાડી
