વલસાડ જિલ્લાના વાપીમાં વરસાદની ધમાકેદાર બેટિંગ જોવા મળી છે. બે કલાકમાં દોઢ ઈંચ વરસાદ ખાબક્યો છે. નીચાણવાળા વિસ્તારમાં પાણી ભરાઈ જવાને કારણે લોકોને મોટી હાલાકીનો સામનો કરવો પડ્યો છે. લોકોને કેડસમા પાણીમાંથી પસાર થવા મજબૂર થવુ પડ્યું છે. મહાનગર પાલિકાની પ્રિ મોન્સૂન કામગીરી કાગળ પર હોય તેવી સ્થિતિ સામે આવી છે.


વાપીમાં વહેલી સવારથી ધોધમાર વરસાદ શરૂ થયો હતો

વલસાડ જિલ્લાના વાપીમાં વહેલી સવારથી ધોધમાર વરસાદ શરૂ થયો હતો. વાપીમાં બે કલાકમાં દોઢ ઈંચ વરસાદ ખાબકવાથી ઠેર ઠેર પાણી ભરાઈ ગયા હતાં. લોકોને કેડસમા પાણીમાંથી પસાર થવાનો વારો આવ્યો હતો. શહેરમાં ચલા વિસ્તારની હાલત વરસાદને કારણે ખરાબ થઈ હતી. ચલા વિસ્તારમાં કમર સુધીના પાણી ભરાતા લોકો હેરાન પરેશાન થઈ ગયા હતાં. પાણીમાં કેટલાક વાહનો પણ ડૂબ્યા હોવાની ઘટનાઓ સામે આવી હતી. વરસાદને કારણે રેલવે અંડરપાસમા પણ પાણી ભરાયા હતાં.

Also Read


  • Follow us on: