અમદાવાદ મ્યુનિસિપલ કોર્પોરેશન ના સ્માર્ટ સિટી અને 'પ્રી-મોન્સૂન પ્લાન'ના મોટા મોટા દાવાઓની પોલ ફરી એકવાર ખુલ્લી પડી ગઈ છે. શહેરના ઘુમા વિસ્તારમાં અનરાધાર વરસાદ બાદ કમરથી ગળાડૂબ પાણી ભરાઈ જતાં રસ્તાઓ નદી અને દરિયામાં ફેરવાઈ ગયા છે. આકાશી આફત વચ્ચે સ્થિતિ એટલી વિકટ બની છે કે સ્થાનિકોને અવરજવર માટે સામાન્ય વાહનો છોડીને બોટનો સહારો લેવો પડી રહ્યો છે.
જળબંબાકારના કારણે સામાન્ય જનજીવન સંપૂર્ણપણે ઠપ
ઘુમા વિસ્તારમાં જળબંબાકારના કારણે સામાન્ય જનજીવન સંપૂર્ણપણે ઠપ થઈ ગયું છે. સોસાયટીઓ અને મુખ્ય માર્ગો પર વહેતા પાણીના પ્રવાહને કારણે લોકો ઘરોમાં કેદ થવા મજબૂર બન્યા છે.
