ડ્રેગન કેમ છે ભારતીય લાલ મરચાંનો દીવાનો? ચીન દર વર્ષે ભારતમાંથી લાખો ટન તીખા મરચાં ખરીદે છે

ભારત વિશ્વમાં લાલ મરચાંનો સૌથી મોટો ઉત્પાદક દેશ છે અને ભારતીય મરચાં તેના તીખાશ અને લાલ રંગ માટે વિશ્વભરમાં પ્રખ્યાત છે.

ભારતીય લાલ મરચાંનો સૌથી મોટો ખરીદદાર દેશ છે ચીન, જે ભારતના કુલ મરચાં નિકાસનો લગભગ 35% થી 47% જેટલો હિસ્સો એકલો ખરીદે છે.

ચીન સામાન્ય રીતે દર વર્ષે ભારતમાંથી 1.5 લાખથી 1.9 લાખ ટન લાલ મરચાં ખરીદે છે, જે તાજેતરના વર્ષોમાં વધીને 2.36 લાખ ટનથી 3.29 લાખ ટન સુધી પહોંચી ગઈ છે.

ચીનમાં મુખ્યત્વે ભારતની 'તેજા' નામની મરચાંની જાતની સૌથી વધુ માંગ રહે છે, જે તેની અદભૂત તીખાશ માટે જાણીતી છે.

ચીનના સિચુઆન અને હુનાન જેવા પ્રાંતોમાં ભારે તીખું ખાવાની પરંપરા છે; ત્યાંના લોકપ્રિય હોટપોટ, નૂડલ્સ અને સોસ બનાવવામાં ભારતીય મરચાંનો મોટો વપરાશ થાય છે.

ચાઇનીઝ કંપનીઓ ભારતીય મરચાંમાંથી 'ઓલિયોરેઝિન' કાઢવા માટે આ મરચાંનો મોટા પાયે ઉપયોગ કરે છે, જે ફૂડ અને ફાર્મા ઇન્ડસ્ટ્રીમાં કામ આવે છે.

ભારતમાંથી બારેય મહિના આ મરચાંનો સપ્લાય મળતો હોવાથી ચીની કંપનીઓ ભારત પર નિર્ભર છે, જોકે તાજેતરમાં ફૂડ સેફ્ટીના નિયમોને લીધે ચીન આ નિકાસ પર વધુ કડક તપાસ રાખી રહ્યું છે.