મેક્સિકોમાં ચર્ચનો સ્લેબ ધરાશાયી થતાં 10 લોકોના મોત, અનેક લોકો ઇજાગ્રસ્ત

• ઉત્તરી મેક્સિકોમાં એક ચર્ચની છત ધરાશાયી
  
• ઘટનામાં 10 લોકોના મોત, 60થી વધુ ઇજાગ્રસ્ત
• ઇજાગ્રસ્તોને સારવાર અર્થે હોસ્પિટલ ખસેડાયા

ઉત્તરી મેક્સિકોમાં એક ચર્ચની છત ધરાશાયી થતા 10 લોકોના મોત થયા હતા અને 50 લોકો ઘાયલ થયા હતા. કાટમાળ નીચે લગભગ 30 લોકો ફસાયા હોવાની આશંકા છે. પોલીસની તપસામાં જણાવ્યું કે નેશનલ ગાર્ડ પોલીસ, સ્ટેટ સિવિલ ડિફેન્સ ઓફિસ અને રેડ ક્રોસ યુનિટ લોકોને બચાવ કામગીરી હાથ ધરવામાં આવી છે.

ઉત્તરી મેક્સિકોમાં રવિવારે રાત્રે એક ચર્ચની છત ધરાશાયી થતાં લગભગ 10 લોકોના મોત થયા હતા અને 60 લોકો ઘાયલ થયા હતા. કાટમાળ નીચે લગભગ 30 લોકો ફસાયા હોવાની આશંકા છે. તામૌલિપાસ પોલીસ અધિકારીએ જણાવ્યું કે જ્યારે છત પડી ત્યારે ચર્ચમાં લગભગ 100 લોકો હાજર હતા. તંત્ર દ્વારા લોકોને બચાવવા માટે ઘટનાસ્થળે બચાવ કામગીરી હાથ ધરી છે. પોલીસ અને બચાવ ટીમે 49 લોકોને સલામત રીતે બચાવ્યા છે.  ઇજાગ્રસ્તોને સારવાર અર્થે  હોસ્પિટલમાં દાખલ ખસેડવામાં આવ્યા છે. ઇજાગ્રસ્તોમાં 4 મહિનાનું બાળક, 3 પાંચ વર્ષના બાળકો અને 2 નવ વર્ષના બાળકોને ગંભીર ઇજાઓ પહોંચી છે.

દુર્ઘટના સમયે ઘણા લોકો ભોજન કરી રહ્યા હતા

રોમન કેથોલિક ચર્ચના બિશપ જોસ આર્માન્ડો આલ્વારેઝે જણાવ્યું હતું કે ટેમ્પિકોના શહેર સિઉદાદ માડેરોમાં આવેલા સાન્ટા ક્રુઝ ચર્ચમાં ઘણા પેરિશિયન લોકો ભોજન કરી રહ્યા હતા, ત્યારે ચર્ચની છત અચાનક તૂટી પડી હતી. આ દુર્ઘટના બાદ રાજ્ય સુરક્ષા પ્રવક્તાના કાર્યાલયે જણાવ્યું કે આ દુર્ઘટનામાં અત્યાર સુધીમાં 10 લોકોના મોતની પુષ્ટિ થઈ છે. આ ઘટનામાં 60 લોકો ઘાયલ થયા છે, જેમાંથી 23 લોકોને હોસ્પિટલમાં દાખલ કરવામાં આવ્યા છે. ઇજાગ્રસ્તોની હાલત અત્યારે ચિંતાજન સ્થિતિમાં છે. સમગ્ર ઘટનાને પગલે પોલીસ તંત્ર અને ફાયર વિભાગ ખડે પગે બચાવ કામગીરી કરી રહી છે.