ઇઝરાયેલની 13 ફીમેલ સ્પાર્ટન્સનું યુદ્ધ મેદાનમાં પરાક્રમ... કલાકોમાં 100 આતંકીને કર્યા ઠાર

•  હમાસ-ઇઝરાયેલ વચ્ચે 16 દિવસથી થઇ રહ્યા છે હવાઇ હુમલા
  
• 13 ફીમેલ સ્પાર્ટન્સે હમાસ આતંકીને ઠાર કરવા ખાસ ઓપરેશન
• 14 કલાકમાં 100 થી વધુ હમાસ આતંકવાદીઓને કર્યા ઠાર 

છેલ્લા બે સપ્તાહથી ચાલી રહેલું હમાસ-ઇઝરાયેલ વચ્ચેનું યુદ્ધ દિવસેને દિવસે ઉગ્ર થઇ રહ્યું છે. બન્ને પક્ષ દ્વારા હવાઇ હુમલા કરવામાં આવી રહ્યા છે. હમાસના આતંકીઓને ઠાર કરવા માટે ઇઝરાયેલી સેનાની માત્ર 13 મહિલાઓની ટીમે 14 કલાકમાં 100થી વધુ હમાસ આતંકવાદીઓને ઠાર કર્યા છે. આ સાથે કિબુત્ઝ શહેરને આતંકવાદીઓની ચુંગાલમાંથી મુક્ત કરાવ્યું છે.

મહિલા સૈનિકનું રણમેદાનમાં પરાક્રમ

મળતી માહિતી મુજબ ઇઝરાયેલની કારાકલ બટાલિયનએ લશ્કરી થાણા પર આતંકવાદી હુમલા સામે લડતનું નેતૃત્વ કર્યું હતું અને ઓક્ટોબર 7ના હુમલા દરમિયાન દક્ષિણ ગાઝા પટ્ટીમાં કિબુત્ઝ નગરને મુક્ત કરાવ્યું હતું. 13 મહિલાઓની ટીમના કમાન્ડર લેફ્ટનન્ટ કર્નલ યા બેન યેહુદાને માહિતી મળી હતી કે ભારે હથિયારોથી સજ્જ આતંકવાદીઓ ઘૂસ્યા છે. માહિતી મળ્યા બાદ તેણે પોતાની ટીમને સતર્ક રહેવા અને જવાબી કાર્યવાહી માટે તૈયાર રહેવા કહ્યું. તેમને એવી માહિતી પણ મળી હતી કે સેંકડો હમાસ આતંકવાદીઓ સુફાના દક્ષિણ ઇઝરાયલી કિબુત્ઝ તરફ આગળ વધી રહ્યા છે.

50થી વધુ ઇઝરાયેલ સૈનિકોને બંધક બનાવ્યા હતા

બેન યેહુદા અને તેમની ટીમ સૈન્ય મથક પર પહોંચ્યા અને જાણવા મળ્યું કે હમાસે પોસ્ટ પર એટેક કર્યો હતો અને 50 થી વધુ ઇઝરાયેલી સૈન્ય કર્મચારીઓને બંધક બનાવ્યા હતા. લેફ્ટનન્ટ કર્નલ બેન યેહુદા અને તેમની 12 મહિલાઓની ટીમ બેઝ પર પહોંચતા જ લગભગ 50 ભારે હથિયારોથી સજ્જ આતંકવાદીઓ તેમની તરફ આગળ વધ્યા. કમાન્ડર અને આતંકવાદી સામસામે આવ્યો અને તેને નજીકથી ગોળી મારીને મોતને ઘાટ ઉતાર્યો હતો. મહિલા બટાલિયન અને આતંકવાદીઓ વચ્ચેની અથડામણ ચાર કલાક સુધી ચાલી હતી અને સમગ્ર બેઝને સુરક્ષિત કરવામાં તેમને 14 કલાકનો સમય લાગ્યો હતો.