- સ્વીડનમાં 'યુરોપિયન યોગા સ્પોર્ટ્સ ચેમ્પિયનશિપનું આયોજન
- 13 વર્ષીય ઈશ્વર શર્માએ યોગ પ્રતિભા કાર્યક્રમમાં જીત્યો ગોલ્ડ
- ઈશ્વર શર્માએ અત્યાર સુધી અનેક મેડલો પોતાના નામે કર્યા
સાઉથ ઈસ્ટ ઈંગ્લેન્ડમાં રહેતા ભારતીય મૂળના 13 વર્ષીય ઈશ્વર શર્માએ સ્વીડનમાં આયોજિત 'યુરોપિયન યોગા સ્પોર્ટ્સ ચેમ્પિયનશિપ'માં ગોલ્ડ મેડલ જીતીને વધુ એક ખિતાબ જીત્યો છે. યોગ પ્રતિભા ધરાવતા ઈશ્વર આ પહેલા પણ ઘણા એવોર્ડ જીતી ચૂક્યા છે. કેન્ટના સેવનોક્સમાં રહેતા ઈશ્વરે ત્રણ વર્ષની ઉંમરે યોગ કરવાનું શરૂ કર્યું હતું. ઈશ્વરે તેના પિતાને રોજ યોગ કરતા જોયા, ત્યારબાદ તેણે તેની પ્રેક્ટિસ શરૂ કરી અને અત્યાર સુધી તે ઘણા એવોર્ડ જીતી ચુક્યા છે.
ગયા સપ્તાહમાં ઈશ્વરે 12-14 વર્ષની કેટેગરીમાં 'યુરોપ કપ 2023' જીત્યો હતો. યુરોપ કપનું આયોજન આંતરરાષ્ટ્રીય યોગા સ્પોર્ટ્સ ફેડરેશન દ્વારા માલમોમાં 'સ્વીડિશ યોગા સ્પોર્ટ્સ ફેડરેશન'ના સહયોગથી કરવામાં આવ્યું હતું. ઈશ્વરના પરિવારે એક નિવેદનમાં જણાવ્યું હતું કે, "ઈશ્વર યોગનો સંદેશ ફેલાવવા માટે ખૂબ જ ઉત્સાહી છે, ખાસ કરીને વિશેષ જરૂરિયાતો ધરાવતા બાળકોમાં, ઈશ્વર ઓટીઝમ અને ધ્યાનની ખામી હાયપરએક્ટિવિટી ડિસઓર્ડરથી પીડાય છે.
