- અબુ ધાબીના પ્રથમ પરંપરાગત BAPS હિન્દુ મંદિરનું ઉદ્ઘાટન
- 14 ફેબ્રુઆરી 2024 ના રોજ મંદિરનું ઉદ્ઘાટન કરાશે
- BAPS હિન્દુ મંદિરનું નિર્માણ કાર્ય ડિસેમ્બર 2019માં શરૂ થયું હતું
સંયુક્ત અરબ અમીરાતની રાજધાની અબુ ધાબીમાં પ્રથમ હિન્દુ મંદિરનું નિર્માણ કાર્ય ચાલી રહ્યું છે. આવી સ્થિતિમાં બુધવારે મંદિરના સાતેય શિખરો પર અમૃત કલશની સ્થાપના કરવામાં આવી હતી. 14 ફેબ્રુઆરી 2024 ના રોજ અબુ ધાબીના પ્રથમ પરંપરાગત હિન્દુ પથ્થર મંદિરનું ઉદ્ઘાટન કરવામાં આવશે. રિપોર્ટ અનુસાર, UAEમાં BAPS હિન્દુ મંદિરનું નિર્માણ કાર્ય ડિસેમ્બર 2019માં શરૂ થયું હતું.
UAEની રાજધાની અબુ ધાબીમાં પ્રથમ હિન્દુ મંદિરનું નિર્માણ કાર્ય ચાલી રહ્યું છે. આવી સ્થિતિમાં બુધવારે મંદિરના સાતેય શિખરો પર અમૃત કલશની સ્થાપના કરવામાં આવી હતી. આ સમારોહમાં સ્વામી બ્રહ્મવિહારીદાસ પણ હાજર રહ્યા હતા, જેમણે અમૃત કલશની સ્થાપના પ્રસંગે વિધિવત પૂજા કરી હતી. BAPS મંદિરે તેના અધિકૃત સોશિયલ મીડિયા પર એક વિડિયો શેર કર્યો છે, જેમાં સોનેરી રંગનો અમૃત કલશ શિખરની ટોચ પર મૂકાયેલો જોવા મળે છે. આ વિડીયોમાં લગભગ પૂર્ણ થયેલ મંદિર નિર્માણ કાર્યની ઝલક પણ જોઈ શકાય છે.
