ઈરાનની સંયુક્ત મિલિટ્રી કમાન્ડે મહત્વપૂર્ણ નિર્ણય લેતા હોર્મુઝ સ્ટ્રેટ મારફતે જહાજોની અવરજવર બંધ કરવાની જાહેરાત કરી છે. આ નિર્ણય પાછળ અમેરિકાએ તાજેતરમાં થયેલા શાંતિ સમજૂતીનો ભંગ કર્યો હોવાનો આરોપ, દક્ષિણ લેબનાનમાંથી સેનાને ન હટાવવી અને ઈઝરાયલ દ્વારા સતત યુદ્ધવિરામના ઉલ્લંઘનને કારણ તરીકે દર્શાવવામાં આવ્યા છે.
વૈશ્વિક તેલ સપ્લાય પર પડી શકે છે અસર
ઈરાનના અધિકારીઓએ આ પગલાને 'પ્રથમ ચેતવણીરૂપ કાર્યવાહી' ગણાવી છે અને સ્પષ્ટ કર્યું છે કે જો ઉલ્લંઘન ચાલુ રહેશે તો વધુ કડક પગલાં લેવામાં આવશે. હોર્મુઝ સ્ટ્રેટ વિશ્વના સૌથી વ્યસ્ત અને મહત્વપૂર્ણ દરિયાઈ માર્ગોમાંથી એક છે, જ્યાંથી વૈશ્વિક તેલ અને ગેસનો મોટો ભાગ પસાર થાય છે. તેથી આ નિર્ણયથી આંતરરાષ્ટ્રીય ઊર્જા બજારમાં મોટી અસર થવાની આશંકા વ્યક્ત થઈ રહી છે.
આ અઠવાડિયે જ MOU થયા હતા
મળતી માહિતી મુજબ અમેરિકા અને ઈરાન વચ્ચે આ જ અઠવાડિયામાં એક સમજૂતી પત્ર (MoU) પર હસ્તાક્ષર થયા હતા, જેના પરિણામે હોર્મુઝ સ્ટ્રેટ ફરી ખોલવાની જાહેરાત કરવામાં આવી હતી. પરંતુ થોડા જ સમય બાદ સ્થિતિ ફરી તંગ બની છે. બીજી તરફ ઈઝરાયલ અને લેબનાન વચ્ચેના તણાવમાં પણ વધારો થયો છે. યુદ્ધવિરામની જાહેરાત બાદ માત્ર થોડા કલાકોમાં જ દક્ષિણ લેબનાનમાં ઈઝરાયલી હુમલામાં ઓછામાં ઓછા 7 લોકોના મોત થયા હતા, જેમાં બે બાળકો પણ સામેલ હતા. આ સમગ્ર ઘટનાક્રમને કારણે મધ્ય પૂર્વમાં ફરીથી તણાવ વધ્યો છે અને વૈશ્વિક સ્તરે તેલ પુરવઠા અને વેપાર પર તેની અસર અંગે ચિંતા વ્યક્ત કરવામાં આવી રહી છે. આંતરરાષ્ટ્રીય સમુદાય હાલ પરિસ્થિતિ પર નજીકથી નજર રાખી રહ્યો છે.
આ પણ વાંચો : Global News:ટ્રમ્પે ઈટાલીના PM મેલોનીની ઉડાવી ક્રૂર મજાક, ઓબામા અને નાટો દેશોને પણ લીધા આડેહાથ!
આ પણ વાંચો : Global News:ટ્રમ્પે ઈટાલીના PM મેલોનીની ઉડાવી ક્રૂર મજાક, ઓબામા અને નાટો દેશોને પણ લીધા આડેહાથ!
