પાકિસ્તાનના સિંધમાં હિન્દુ વેપારીઓના અપહરણના વિરોધમાં વેપાર-ધંધા બંધ

• અપહરણ મુદ્દે ગુનેગારોને ડામવા સ્થાનિક વેપારીઓની માંગ
  
• સ્થાનિકો દ્વારા વિશાળ રેલી કાઢીને વિરોધ નોંધાવ્યો 
• મોંઘવારી, વીજળીના ભાવ વધારો સહિતના મુદ્દે લોકોમાં નારાજગી

પાકિસ્તાનના સિંધ પ્રાંતમાં હિન્દુ વેપારીઓના અપહરણ મામલે વિરોધ પ્રદર્શન થઇ રહ્યું છે. સિંધના શિકારપુર અને કશ્મોર જિલ્લામાં વ્યવસાય સંપૂર્ણપણે બંધ રહ્યા હતા. મુસ્લિમ વેપારીઓએ પણ તેમના હિંદુ વેપારીઓ સાથે એકતા દર્શાવવા તેમના ધંધા બંધ રાખ્યા હતા. 

સ્થાનિકો દ્વારા વિશાળ રેલી કાઢીને વિરોધ પ્રદર્શન

સમુદાય વિરુદ્ધની ઘટના દિવસેને દિવસે ઉગ્ર બનતી જાય છે. સોમવારે શરૂ થયેલો વિરોધ મંગળવારે પણ યથાવત રહ્યો હતો. કાશ્મીરમાં હિન્દુ અને મુસ્લિમ વેપારીઓ દ્વારા અપહરણ અને ગુનેગારોને પકડવામાં કાયદા અમલીકરણ એજન્સીઓની નિષ્ફળતાને વખોડવા માટે એક વિશાળ વિરોધ રેલી પણ કાઢવામાં આવી હતી.

મળતી માહિતી મુજબ તાજેતરમાં વેપારી જગદીશ કુમાર ખિંચી (ઉ.વ.65) અને સાગર કુમાર (ઉ.વ.25) પુત્ર ઈન્દર લાલનો વીડિયો તેમના પરિવારના સભ્યોને મળ્યો હતો. બંને વીડિયોમાં પીડિતોના માથા પર ઘાતક હથિયાર વડે માર મારવામાં આવી રહ્યો છે. ડાકુઓએ તેની મુક્તિ માટે 100 મિલિયન પાકિસ્તાની રૂપિયાની માંગણી કરી હતી. કાશ્મીરમાં દબાણ વધતાં પોલીસે અપહરણ કરાયેલા 3 લોકોને શોધી કાઢ્યા છે.

વીજળીના બિલ સામે લોકો રસ્તા પર ઉતર્યા

આ સિવાય પાકિસ્તાન અધિકૃત કાશ્મીર (PoK)ના રાવલકોટ જિલ્લાના હજીરા વિસ્તારમાં સેંકડો લોકો વીજળીમાં ભાવ વધારાને લઇ લોકો રસ્તા પર ઉતરી આવ્યા છે. તેઓએ સરકાર સામે પ્રચંડ વિરોધ પ્રદર્શન કર્યું અને અન્યાયી કરવધારો, વીજ કાપ હોવા છતાં બિલોમાં અભૂતપૂર્વ વધારો અને પ્રદેશમાં આવશ્યક સેવાઓની રાજ્ય દ્વારા સર્જાયેલી કટોકટી સામે તેમની હતાશા વ્યક્ત કરી. દેખાવકારોની સંપૂર્ણ હડતાળને કારણે આ વિસ્તાર ઠપ્પ થઈ ગયો હતો. લોકો પાકિસ્તાન વિરૂદ્ધ નારા લગાવ્યા છે.